wd wp Пошук: ⬜

Ван

У гэтага паняцця ёсць і іншыя значэнні, гл. Ван (значэнні).

Ван (турэцк.: Van) — горад ва ўсходняй Турцыі, адміністрацыйны цэнтр правінцыі Ван. Размешчаны на ўсходнім беразе возера Ван. Назва горада паходзіць ад армянскага ван — сяло, паселішча. 360 тыс. жыхароў (2008).

Узнік у І тыс. да н.э. Да VI ст. да н.э. пад назвай Тушпа сталіца дзяржавы Урарту. Да I ст. да н.э. значны горад Старажытнай Арменіі. У 364 годзе разбураны войскамі сасанідскага цара Шапура II. У Х ст. у складзе Васпураканскага царства. 3 1022 года пад уладай Візантыі, пасля — сельджукаў. У 2-й пал. XIV ст. двойчы разбураны войскамі Цімура. 3 XVII ст. пад уладай Турцыі. У Першую сусветную вайну 1914—1918 гг. армянскае насельніцтва Вана выселена і знішчана турэцкімі ўладамі.

У горадзе харчовая, цэментная прамысловасць. Чыгуначная станцыя.

Гл. таксама

Вараздат Марціросавіч Аруцюнян (1909—2008) — архітэктар, мастацтвазнаўца, гісторык армянскай архітэктуры. Акадэмік Нацыянальнай акадэміі навук Рэспублікі Арменія, доктар архітэктуры, прафесар. Заслужаны дзеяч мастацтваў Армянскай ССР.
Фанос Пагосавіч Тэрлемезян (1865—1941) — мастак, Народны мастак Армянскай ССР.

Зноскі

↑ http://rapor.tuik.gov.tr/reports/rwservlet?adnksdb2&ENVID=adnksdb2Env&report=wa_turkiye_ilce_koy_sehir.RDF&p_il1=65&p_kod=1&p_yil=2011&p_dil=1&desformat=html

Літаратура

Ван // Беларуская энцыклапедыя: У 18 т. / Рэдкал.: Г. П. Пашкоў і інш.. — Мн.: БелЭн, 1996. — Т. 3: Беларусы — Варанец. — 511 с. — 10 000 экз. — ISBN 985-11-0068-4 (т. 3), ISBN 985-11-0035-8.