Wii U
Wii U — гульнявая кансоль кампаніі Nintendo, якая стала непасрэдным паслядоўнікам прыстаўкі Wii[1]. Была прадстаўлена ў 2011 годзе на выставе Electronic Entertainment Expo.
Гісторыя
Кансоль была задумана ў 2008 годзе. 25 красавіка 2011 года Nintendo выпусціла афіцыйную заяву, у якой абвясціла сістэму, якая будзе выпушчана ў 2012 годзе і што некалькі адзінак кансолі будуць прысутнічаць на выставе E3 2011. Кансоль паступіла ў продаж 18 лістапада 2012 года ў ЗША, 30 лістапада 2012 года ў Еўропе, 8 снежня 2012 года ў Японіі. Вытворчасць Wii U афіцыйна скончылася ў студзені 2017 года[2].
Гульнявы кантролер
Кантролер уключае ў сябе 6,2-цалевы сэнсарны экран з вельмі вялікай адчувальнасцю, але не падтрымлівае мультытач. Пры гэтым кантролер захаваў традыцыйныя элементы кіравання: кнопкі і аналагавыя сцікі. У кантролер убудаваны акселерометр і гіраскоп, прысутнічае вібраатдача, відэакамера, мікрафон, дынамікі і стылус.
Тэхнічныя характарыстыкі
- працэсар: IBM Power 750 «Espresso» (1,24 ГГц)
- памяць: аператыўная — 2 ГБ (флэш-памяць 8 ГБ)
- відэасістэма: чып AMD RV770 (550 МГц)
- энергаспажыванне: 75 Вт
- дыскі: Wii U Optical Disc (25 ГБ)
- іншае: Bluetooth 4.0
- габарыты: вышыня 4,6 см, шырыня 26,7 см, даўжыня 17,3 см; маса — 1,5 кг
- інтэрнэт браўзер: NetFront Browser NX v2.1
Хітовыя гульні
Гл. таксама
Зноскі
- ↑ Wii U(нявызн.) (недаступная спасылка). Nintendo. Архівавана з першакрыніцы 4 снежня 2012. Праверана 3 красавіка 2017. (англ.)
- ↑ Wii U(нявызн.). GameStop. Праверана 4 красавіка 2017. (англ.)
Літаратура
- Глеб Костарев, Ирина Юзбекова. Война консолей(руск.) // РБК daily : газета. — 2014. — № 1781. — С. 8. — ISSN 1991-069X.
Спасылкі
На Вікісховішчы ёсць медыяфайлы па тэме Wii U
Катэгорыя·Гульнявыя прыстаўкі
Катэгорыя·Nintendo
Катэгорыя·З’явіліся ў 2012 годзе
Катэгорыя·Старонкі з няправільным сінтаксісам спасылак на крыніцы