Vivaldi— дармовы інтэрнэт-аглядальнік (браўзер), створаны кампаніяй Vivaldi Technologies, заснаванай былым CEO і стваральнікам Opera Software Йонам Стефенсанам фон Тэчнерам.[4] Аглядальнік скіраваны на аматараў інтэрнэт-тэхналогій, карыстачоў, якім патрэбны больш, чым проста браўзер, і карыстачоў папярэдніх версій браўзера Opera, раззлаваных пераходам Opera з рухавіка Presto на Blink, пазбавіўшым яго шматлікіх папулярных асаблівасцяў.[4][5] Vivaldi мае мэтай аднавіць старыя, папулярныя функцыі і асаблівасці Opera 12, дадаючы новыя. Аглядальнік абнаўляецца штотыднёва і здолеў павялічыць папулярнасць з моманту запуску першай тэставай версіі 27 студзеня 2015.[6]
Vivaldi пачала дзейнасць у якасці віртуальнай супольнасці, замяніўшай My Opera, якую Opera Software зачыніла ў сакавіку 2014.[7] Гэтае рашэнне раззлавала Йона Стефенсана фон Тэчнера, які меркаваў, што гэтая суполка дапамагла зрабіць браўзер Opera тым, чым ён быў. Тэчнер запусціў Vivaldi Community — віртуальную супольнасць, накіраваную на забеспяченне зарэгістраваных карыстачоў дыскусійным форумам, пляцоўкай для блогаў, і шматлікімі іншымі вэб-сервісамі — каб замяніць зачыненую My Opera. Пазней, 27 студзеня 2015, Vivaldi Technologies распачала выпрабаванні першай тэхнічнай версіі Vivaldi.[6]
Vivaldi мае мінімалістычны інтэрфэйс з простымі шрыфтамі ды іконкамі, і каляровую схему, якая змяняецца суадносна з фонам і выглядам наведанай вэб-старонкі.[8] Аглядальнік таксама дазваляе карыстачам самастойна наладжваць знешні выгляд і размешчанне асобных элементаў.[9]
Vivaldi падтрымлівае групоўку ўкладак і мышыныя жэсты.
Шэраг функцый, такіх як бакавая панэль, рэжым адлюстравання выяў на вэб-старонцы, нататкі, візуальныя ўкладкі, кошык з зачыненымі ўкладкамі і шмат іншых былі перанесеныя з апошняй версіі браўзера Opera 12, зробленага на рухавіку Presto. Знешні выгляд браўзера Vivaldi таксама нагадвае Opera 12. У будучыні ў браузеры павінна з’явіцца сінхранізація файлаў карыстача, інтэграваны паштовы кліент, падтрымка пашырэнняў і шмат іншага.
Беларусізаваная навігацыя.