Viola lutea — шматгадовая травяністая расліна роду Фіялка сямейства Фіялкавыя.
Мнагалетнік вышынёй 8-20 см з прамымі або ўзыходзячымі сцебламі. Лісце даўгаватае з гародчатым краем і прылісткамі.
Кветкі абодваполыя, зігаморфныя, адзінкавыя на доўгіх кветканосах. Калякветнік двайны, пяцічленны. Пялёсткі жоўтыя або злёгку фіялетавыя, з цёмнымі рыскамі на трох ніжніх пялёстках, верхнія пялёсткі светла-жоўтыя, пярэдні пялёстак ля аснавання забяспечаны шпорцам. Дыяметр кветак 1,5—3 см. Цвіценне пышнае, суправаджаецца тонкім водарам. Цвіце ў маі — ліпені.
Плод — трохстворкавая каробачка, якая ўскрываецца па гнёздах. Насенне дробнае, з эндаспермам.
Агульнае распаўсюджанне: Паўночная Еўропа (Ірландыя, Вялікабрытанія), Цэнтральная Еўропа (Аўстрыя, Бельгія, Венгрыя, Чэхаславакія, Германія, Люксембург, Нідэрланды, Польшча, Швейцарыя), Паўднёва-Заходняя Еўропа (Францыя, Іспанія). У натуральных умовах на тэрыторыі Расіі не расце.
Умераны кальцэфіл, адрозніваецца асаблівай непераборлівасцю, марозаўстойлівасць. Расце пераважна на натуральных горных лугах (на вышыні 1500-2400 м над узроўнем мора), у незабудаваных нагор’ях, на абочынах дарог.
Да галмейных раслін ставіцца разнавіднасць Viola lutea var. calaminaria.
| яшчэ 34 сямействы (па Сістэме APG III) |
яшчэ каля 200 відаў | ||||||||||||
| парадак Вербакветныя | род Фіялка | ||||||||||||
| аддзел Кветкавыя, ці Пакрытанасенныя | сямейства Фіялкавыя | від Viola lutea | |||||||||||
| яшчэ 58 парадкаў кветкавых раслін (па Сістэме APG III) |
яшчэ каля 15 родаў | ||||||||||||
Як дэкаратыўная расліна выкарыстоўвалася з XVI стагоддзя (1600 года). Вырошчваецца ў альпінарыях. Адным з гібрыдаў гэтай расліны з’яўляецца сорт Viola lutea ‘Jumping Jhony’ з фіялетавымі кветкамі, на ніжнім пялёстку якіх бачны ярка-жоўты малюнак .
Viola lutea Huds. Fl. Angl. (Hudson) 331; Sm. Fl. Brit.1: 248. 1762.
З’яўляецца адным з зыходных відаў пры стварэнні садовай фіялкі Viola × wittrockiana Gams ex Hegi.