Viber
 | Гэты артыкул ці раздзел патрабуе перапрацоўкі. |
Viber ([vaɪbə], «Вайбер») — праграма для смартфонаў, якая дазваляе рабіць галасавыя VoIP тэлефонныя званкі праз сусветную сістэму аб’яднаных камп’ютарных сетак «Інтэрнэт», падлучаючыся да яе пры дапамозе тэхналогіі бесправадных ЛВС «Wi-Fi» або перадаючы інтэрнэт-трафік праз мабільныя сеткі сотавай сувязі. Галасавыя выклікі паміж карыстальнікамі з усталяваным Viber бясплатныя (аплачваецца толькі інтэрнэт-трафік па тарыфе аператара сувязі). Таксама ў Viber маецца магчымасць перадачы тэкставых паведамленняў, грошай, малюнкаў, відэа-і аўдыёпаведамленняў, дакументаў і файлаў.
Для аўтарызацыі карыстальнікаў і пошуку кантактаў праграма выкарыстоўвае нумар тэлефона і перадае змесціва тэлефоннай адраснай кнігі (імёны і тэлефоны ўсіх кантактаў) на сервера карпарацыі Viber Media S.à r.l., Люксембург. Яны ж збіраюць інфармацыю аб учыненых званках і перададзеных паведамленняў, працягласці званкоў, удзельніках званкоў і чатаў — у мэтах паляпшэння якасці абслугоўвання і ў іншых мэтах.
Гісторыя
Першая версія праграмы была распрацавана ў снежні 2010 года выключна для iPhone і мела абмежаванне на колькасць карыстальнікаў у 50000. Viber для BlackBerry, Bada і Windows Phone быў выпушчаны ў маі 2012 года. Праз год, у 2013 годзе, выйшла абнаўленне праграмы для iOS да версіі 3.0, з рэлізам якога было абвешчана аб даступнасці Viber Desktop для Windows і OS X.
Таксама ў 2013 году з’яўляецца ViberOut — платная функцыя званкоў на стацыянарныя і мабільныя тэлефоны, дзе не ўстаноўлена праграма або няма доступу ў інтэрнэт. Кошт залежыць ад месцазнаходжання абанента, якому вы хочаце патэлефанаваць. Ваша месцазнаходжанне значэння не мае — галоўнае, каб быў інтэрнэт.
14 студзеня 2014 года японская электронная кампанія Rakuten заявіла аб сваім намеры набыць Viber за 900 млн долараў. Здзелка была завершана ў лютым 2014 года.
Офіс тэхнічнай распрацоўкі і падтрымкі карыстальнікаў знаходзіцца ў Мінску і Брэсце. Viber з’яўляецца рэзідэнтам беларускага Парка высокіх тэхналогій.
Згодна з фінансавай справаздачнасці Rakuten, у 2014 годзе мессенджер прынёс першую выручку ў $ 1,5 млн.
У 2014 годзе база Viber налічвала больш за 280 мільёнаў карыстальнікаў.
З дадатковых сэрвісаў стала магчыма здзяйсняць грашовыя пераклады па ўсім свеце. Гэта стала магчыма ў 2015 годзе дзякуючы сістэме «Вестэрн Юніён».
У 2017 годзе каля 900 мільёнаў зарэгістраваных карыстальнікаў выкарыстоўваюлі Viber рэгулярна.
Мовы
На 2015 год выданне праграмы для Windows Phone мела інтэрфэйс на 35 мовах[4]. Для Андроід — на 33 мовах[5]. Для iOS — на 32 мовах[6]. Для Windows — на 12 мовах[7]. Для Блэкберы — на 4 мовах[8].
Беларускі пераклад праграмы існаваў для Андроід[9].
Кампанія
Viber Media — міжнародная кампанія з галаўным офісам на Кіпры. Цэнтры распрацоўкі месцяцца ў Мінску, Брэсце і Ізраілі. Кампанія была заснавана Тальманам Марка і Ігарам Магазіннікам.
Дадатковая інфармацыя
- На пачатак жніўня 2013 сервіс ужо меў больш за 200 мільёнаў карыстальнікаў у 193 краінах свету, у тым ліку 300 тысяч у Ліване і некалькі мільёнаў у Егіпце. Егіпецкія і ліванскія ўлады мяркуюць, што ў сувязі з «ізраільскімі каранямі» праграмы, яна на самой справе выкарыстоўваецца для падтрымкі «сіянісцкіх шпіёнскіх намаганняў». Егіпецкія вайскоўцы забаранілі любое выкарыстанне праграмы вайскоўцамі і іх сем’ямі ў мэтах бяспекі, а асноўны правайдар 3G у Ліване выключыў яго з сеткі. Тым часам, шматлікія арабскія сайты прапануюць карыстальнікам парады, як абысці гэтыя перашкоды.
- На Symbian магчымы толькі абмен тэкставымі паведамленнямі. Галасавыя выклікі немагчымыя.
- Адзін з дапаможных сервісаў Viber Support быў узламаны ў ліпені 2013 групай, якая абазначыла сябе як Syrian Electronic Army.
Зноскі
- ↑ (unspecified title) Праверана 28 чэрвеня 2019.
- ↑ https://www.apkmirror.com/apk/viber-media-s-a-r-l/viber/
- ↑ https://apps.apple.com/app/id382617920
- ↑ Вайбэр (нявызн.), Windows Phone (11 мая 2015). Праверана 12 траўня 2015.
- ↑ Вайбэр (нявызн.), Google Play (7 красавіка 2015). Праверана 12 мая 2015.
- ↑ Вайбэр (нявызн.), iTunes (12 мая 2015). Праверана 12 мая 2015.
- ↑ Вайбэр (нявызн.), Windows Store(англ.) бел. (2015). Праверана 12 мая 2015.
- ↑ Вайбэр (нявызн.), BlackBerry World(англ.) бел. (19 лістапада 2013). Праверана 12 мая 2015.
- ↑ Сьцягнуць Вайбэр (нявызн.), Вэссофт (2014). Праверана 12 мая 2015.
Катэгорыя·Артыкулы да фарматавання
Катэгорыя·Вікіпедыя·Артыкулы з пераазначэннем значэння з Вікідадзеных
Катэгорыя·Кросплатформавае праграмнае забеспячэнне
Катэгорыя·Праграмнае забеспячэнне для Windows
Катэгорыя·З’явіліся ў 2010 годзе
Катэгорыя·Праграмнае забеспячэнне паводле алфавіта
Катэгорыя·Вікіпедыя·Артыкулы з крыніцамі з Вікідадзеных
Катэгорыя·Вікіпедыя·Артыкулы са спасылкамі на элементы Вікідадзеных без беларускага подпісу
Катэгорыя·Праграмнае забеспячэнне, распрацаванае ў 2010 годзе
Катэгорыя·Інтэрнэт-тэлефоны
Катэгорыя·Вікіпедыя·Артыкулы з вікі-разметкай у малюнку карткі
Катэгорыя·Транснацыянальныя карпарацыі
Катэгорыя·Артыкулы без выяў (меней 21 аб’екта тыпу)