wd wp Пошук:
    ⬜

    Valravn

    Valravn — дацкі музычны неафолк гурт. Названа по назве дацкай фальклорнай асобы — крумкача, які з’еў рэшты загінулага ў бітве караля, конунга ці правадыра і які, дзякуючы гэтаму, атрымаў звышнатуральныя магчымасці.

    Створана ў 2005 годзе на аснове гурта «Virelai», які выконваў аўтэнтычную сярэднявечную скандынаўскую музыку. Песні Valravn таксама маюць фальклорную базу і таксама часта з’яўляюцца абпрацоўкі дацкіх, фарэрскіх і ісландскіх балад, якія спяваюцца на архаічных варыянтах нацыянальных моў. Вакал салісткі гурта Аны Катрын Эгілстрод, якая паходзіць з Фарэрскіх астравоў, часта параўноўваецца з голасам Б’ёрк[1]. Акрамя скандынаўскіх краін, гурт гастраліраваў у Фінляндыі, Бельгіі, Нідэрландах, Швейцарыі, Германіі, Польшчы, Чэхіі і Расіі — у тым ліку на міжнародным фестывале «Камwа» у Пермі (2010), дзе, па меркаванню прадзюсара Аляксандра Чэпарухіна, імі была атрымана роля галоўнага адкрыцця[2].

    Гісторыя

    Гурт быў заснаваны ў 2005 годзе, удзельнікі пачыналі сваю творчасць як акустычны фолк-калектыў Virelai. Яны ўжывалі ў сваёй працы сярэднявечныя матывы. Пазней калектыў змяніў назву на Valravn, хоць калектыў Virelai застаўся як паралельны праект. Гучанне набыло новыя характарыстыкі і з’явіліся вакальныя партыі.

    У 2007 годзе калектыў выдае аднайменны дэбютны студыйны альбом «Valravn», які атрымаў чатыры зоркі з шасці ў музычным часопісе Gaffa і чатыры зоркі з пяці на AllMusic.[3]

    На Danish Music Awards People у 2008 годзе гурт быў намінаваны на «Дацкі артыст года», а іх альбом «Valravn» быў намінаваны на «Дацкі альбом года». Гурт таксама быў намінаваны на «Дацкі дэбют года» пасля выхаду свайго першага альбома.[4]

    Valravn на Danish Music Awards Folk, 2008

    Калектыў часта гастралюе, адным з найбуйнейшых канцэртаў калектыву быў фестываль German Rudolstadt Tanz & Folk Fest, дзе яны сабралі аўдыторыю ў 70000 гледачоў.

    Другі альбом гурта пад назвай «Koder på snor», выдадзены ў 2009 годзе, атрымаў вышэйшыя адзнакі ад часопіса Gaffa (пяць з шасці).[5]

    Сеэберг выйграў прэмію «Дацкі інструменталіст года» ў 2010 годзе за свой другі альбом за трэк «Koder på Snor».[6]

    Трэці і апошні альбом гурта «Re-Cod3d» месціць рэміксы ўжо вядомых выдадзеных раней кампазіцый і кавер-рэміксы такіх выканаўцаў як Сёрэн Бендзіксен з Сортэн Муль і Кенет Багер. Як і папярэдні альбом, ён атрымаў пяць з шасці зорак у часопісе Gaffa.[7]

    У гэтым жа годзе прагучала заява ад двух удзельнікаў (Сеэберга і Хамерлуна) аб выхадзе з гурта.

    У 2012 годзе астатнія музыкі працягнулі працу над новым альбомам, якую так і не завяршылі. Дзве кампазіцыі з альбома ўсё ж сталі даступныя ў лічбавым варыянце — «Hànd I Hànd» і «Genuine».[8]

    Улетку 2013 года калектыў адыграў апошні развітальны канцэрт і паведаміў у сетцы Facebook аб заканчэнні музычнай дзейнасці і распаду гурта.[9]

    Состав

    Дыскаграфія

    Альбомы

    Міньён

    Галерэя

    Зноскі

    1. ↑ Е. Оборина. Датчане на пермской сцене // «Пермский обозреватель», 30.07.2010.
    2. ↑ М. Орлова. В Пермь на пятый международный фестиваль «КАМВА» приехали основоположники этнофутуризма // «Российская газета — Пермский край», 29 июля 2010 г.
    3. ↑ Euzen og Valravn: Train, Århus(дацк.) , gaffa.dk . Праверана 20 сакавіка 2018. Архівавана 23 студзеня 2016.
    4. ↑ Valravn: Valravn(дацк.) , gaffa.dk . Праверана 20 сакавіка 2018. Архівавана 14 лютага 2016.
    5. ↑ Valravn: Koder på snor(дацк.) , gaffa.dk . Праверана 20 сакавіка 2018. Архівавана 14 лютага 2016.
    6. ↑ DMA er klar med nomineringerne(дацк.) , gaffa.dk . Праверана 20 сакавіка 2018. Архівавана 8 снежня 2015.
    7. ↑ Valravn: Re-Cod3d(дацк.) , gaffa.dk . Праверана 20 сакавіка 2018. Архівавана 14 лютага 2016.
    8. ↑ Valravn stopper(дацк.) , gaffa.dk . Праверана 20 сакавіка 2018. Архівавана 8 снежня 2015.
    9. ↑ Valravn stopper(дацк.) , gaffa.dk . Праверана 20 сакавіка 2018. Архівавана 8 снежня 2015.

    Спасылкі

    Тэмы гэтай старонкі (5):
    Катэгорыя·Фолк-гурты Даніі
    Катэгорыя·Музычныя калектывы, якія з’явіліся ў 2005 годзе
    Катэгорыя·Музычныя калектывы паводле алфавіта
    Катэгорыя·Вікіпедыя·Артыкулы з пераазначэннем значэння з Вікідадзеных
    Катэгорыя·Культура Капенгагена