Tuntex Sky Tower
Tuntex Sky Tower (кіт.: 高雄85大樓, англ.: Tuntex Sky Tower) — 85-павярховы небаскроб, размешчаны ў горадзе Гаасюн, Тайвань. Вышыня будынка складае 347,5 метраў, а разам з антэнай — 378 метраў. З’яўляўся найвышэйшым будынкам на Тайвані да ўвядзення ў строй вежы Тайбэй 101 у 2003 годзе.
Небаскроб мае нестандартны дызайн у выглядзе зубца: два асобныя 39-павярховыя корпусы злучаюцца разам і трымаюць цэнтральную вежу, пад якой застаецца пустая прастора. Такім чынам будынак капіруе абрысы кітайскага іерогліфа 高 «Гао» («высокі»), які прысутнічае ў імені горада.
Будынак належыць фірме Tuntex Group. У асноўным складаецца з офісаў, але таксама ёсць жылыя плошчы, гандлёвы цэнтр, гасцініца Splendor Kaohsiung (37-70 паверхі). Назіральная пляцоўка размясцілася на 75-м паверсе небаскроба, у будынку працуюць хуткасныя ліфты, якія за секунду пераадольваюць 10,17 метра. З вежы адкрываецца від на горад, мясцовую раку і прычал.
Спасылкі
На Вікісховішчы ёсць медыяфайлы па тэме Tuntex Sky Tower- Афіцыйны сайт
- Emporis.com
Катэгорыя·Вікіпедыя·Артыкулы з пераазначэннем значэння з Вікідадзеных
Катэгорыя·Звышвысокія будынкі
Катэгорыя·Вышынныя збудаванні без геаграфічных каардынат
Катэгорыя·Небаскробы вышынёй звыш 350 метраў
Катэгорыя·Будынкі і збудаванні паводле алфавіта
Катэгорыя·Небаскробы Тайваня