wd wp Пошук: ⬜

PSY

Пак Чэ Сан (нар. 31 снежня 1977, Сеул, Паўднёвая Карэя) — паўднёвакарэйскі выканаўца і аўтар песен, які выступае пад псеўданімам PSY (бел.: Сай, кар.: 싸이). Вядомы сваімі гумарыстычнымі відэакліпамі і канцэртнымі выступленнямі. 24 лістапада 2012 года яго відэа «Gangnam Style» стала самым папулярным па праглядах у гісторыі YouTube [2].

21 снежня 2012 года ўпершыню ў гісторыі YouTube і Інтэрнэта колькасць праглядаў аднаго відэакліпа перавысіла 1 мільярд. Гэтым відэа стаў кліп PSY «Gangnam Style». 31 снежня 2012 года PSY выступае перад жывой аўдыторыяй больш за 1 мільён чалавек на Таймс-сквер, Нью-Ёрк у Навагоднім канцэрце. 13 красавіка 2013 года PSY апублікаваў на YouTube новы, падобны па стылі з «Gangnam Style», кліп «Gentleman», які набраў каля 192 мільёнаў праглядаў за першы тыдзень. 31 мая 2014 года відэа «Gangnam Style» набрала больш за 2 мільярды праглядаў. 1 снежня 2014 года кампанія Google была вымушана ўнесці змены ў код лічыльніка YouTube, так як колькасць праглядаў перавысіла максімальнае на той момант дапушчальнае значэнне ў 32-бітным знакавым цэлым тыпе дадзеных (2 147 483 647).

Зноскі

↑ PSY // Encyclopædia Britannica Праверана 9 кастрычніка 2017.
↑ Psy’s ‘Gangnam Style’ becomes most viewed YouTube video of all time (нявызн.). The Verge (24 лістапада 2012). Праверана 15 сакавіка 2017. (англ.)

Спасылкі

На Вікісховішчы ёсць медыяфайлы па тэме PSY