Lasiocampa trifolii
Lasiocampa trifolii — матылёк сямейства Коканапрады.
Апісанне
Выяўлены палавы дымарфізм. Самка буйней самца. Даўжыня пярэдняга крыла 19-31 мм. Асноўны фон карычнева-вохрысты. Крылы са светлай перавяззю, якая мае размытыя краі з знешняй і выразныя — з унутранага боку. На пярэдніх крылах гэтая перавязь зрушаная да вонкавага краю, а на задніх крылах звычайна адсутнічае.
Арэал
Від шырока распаўсюджаны ад Заходняй Еўропы і Паўночнай Афрыкі да Якуціі, уключаючы Крым, Малую Азію, Каўказ, Сярэднюю Азію, Заходнюю Сібір. У еўрапейскай частцы Расіі сустракаецца акрамя поўначы.
Біялогія
Час лёту ў жніўні і пачатку верасня. Самцы найбольш актыўныя днём, да поўдня. Самкі ж актыўныя з надыходам змяркання і раніцай, і часцей самцоў прылятаюць на штучныя крыніцы святла.
Вусень перадапошняга ўзросту памяранцава-шэры, пазней становіцца бурым; падобны з вусеням коканапрада дубовага (Lasiocampa quercus), але светлыя меткі на баках маюць выгляд падвойных касых рысак. Харчуюцца вусені на травяністых бабовых (канюшына, жаўтазель) і траве, радзей на вербах.
Зноскі
Спасылкі
- Архівавана 22 верасня 2016. Матылі Крыма — Lasiocampa trifolii ([Denis & Schiffermuller], 1775) Коконопряд клеверный
Катэгорыя·Вікіпедыя·Артыкулы з пераазначэннем значэння з Вікідадзеных
Катэгорыя·Біялагічныя артыкулы без ITIS
Катэгорыя·Жывёлы, апісаныя ў 1775 годзе
Катэгорыя·Насякомыя Еўразіі
Катэгорыя·Коканапрады
Катэгорыя·Жывёлы паводле алфавіта
Катэгорыя·Біялагічныя артыкулы без EOL