In Extremo (лац.: На краі) — нямецкі гурт сярэднявечнай музыкі з Берліна. Асноўная творчасць уяўляе сабой пераапрацаваныя старажытныя і сярэднявечныя балады і песні на розных мовах, у тым ліку і нежывых: гэльская, нямецкая, лацінская, шведская, старажытнаверхненямецкая, старажытнафранцузская, старажытнанарвежская, ісландская, эстонская, іспанская, аксітанская і інш. Разам з сучаснымі інструментамі (электрагітара, бас-гітара) гурт выкарыстоўвае імноства старажытных (валынка, арфа, лютня, флейта і інш.)