Imagine Dragons — амерыканскі інды-гурт, заснаваны ў 2008 годзе ў Лас-Вегасе, штат Невада. Сталі вядомыя пасля выпуску дэбютнага студыйнага альбома Night Visions у верасні 2012 года. Амерыканскі часопіс Billboard назваў іх самымі яркімі новымі зоркамі 2012 года, а часопіс Rolling Stone назвалі іх сінгл «Radioactive» самым вялікім рок-хітом года.[1] Пачынаючы з 2008 года гурт выпусціў 3 студыйныя альбомы: Night Visions (2012), Smoke + Mirrors (2015) і Evolve (2017).
Imagine Dragons — інды-рок-гурт, у склад якога ўваходзяць чатыры чалавекі. Быў заснаваны ў Лас-Вегасе ў 2008 годзе. Назва групы ўяўляе сабой анаграму, значэнне якой ведаюць толькі Дэн, Бэн, Уэйн і Даніэль. Дэн Рейнальдс, франтмэн, стварыў яе, калі вучыўся ва ўніверсітэце Брыгама Янга. Затым ён прыцягнуў свайго сябра Уэйна Сэрмана, які выдатна іграў на гітары. Група хутка набірала папулярнасць. У Лас-Вегасе да Дэна і Уэйна далучыліся басіст Бэн Мак-Кі і барабаншчык Даніэль Плацман, сябры Сэрмана.
У пачатку 2009 года хлопцы прыступаюць да працы ў студыі. І ўжо 1 лютага выпускаюць свой першы EP пад назвай «Imagine Dragons». А 1 красавіка наступнага года свет убачыў іх EP «Hell and Silence» (у запісе ўдзельнічаў намінант «Грэмі» Марк Нідхэм). Абодва EP былі запісаны ў студыі Battle Born Studios. Неўзабаве ім было прапанавана выступіць на штогадовым фестывалі Bite of Las Vegas, як «Самая запатрабаваная група 2010» на мясцовым 107.9FM. Яны былі абраныя хэдлайнерамі на Vegas Music Summit, а Лас-Вегас CityLife назваў іх «Групай, якую неабходна ўбачыць ужывую», яны сталі «Лепшай інды групай 2010 года» на думку Las Vegas Weekly, і былі ўдастоены прэміі «Лепшая пласцінка 2011 года» ад часопіса Vegas Seven.
У лістападзе 2011 года Imagine Dragons падпісалі кантракт з амерыканскім лэйблам Interscope Records. Яны цесна супрацоўнічалі з прадзюсарам Алексам Да Кідам, з якім яны і запісалі свой першы дыск у Уэст-Галівудзе. Іх EP быў названы Continued Silence і выпушчаны 14 лютага 2012 года.
4 верасня 2012 года быў запісаны «Night Visions», першы паўнавартасны альбом Imagine Dragons. Ён дасягнуў 2 пазіцыі ў Billboard 200 chart. Сінгл «It’s Time» заняў 22 радок у Billboard Hot 100, 4-ы ў Billboard Alternativе і 4-ы ў Billboard Rock. Сінгл Radioactive заняў 3 радок у чарце Billboard Hot 100, а таксама атрымаў «Грэмі» у намінацыі «лепшае рок выкананне». Песня Demons заняля 6 месца у Billboard Hot 100.
| Назва | Дэталі | Пікавая пазіцыя ў чартах | Сертыфікацыі | |||||||||
|---|---|---|---|---|---|---|---|---|---|---|---|---|
| US [2] |
US Alt. [3] |
US Rock [4] |
AUT [5] |
CAN [6] |
GER [7] |
NOR [8] |
SWE [9] |
SWI [10] |
UK [11] | |||
| Night Visions |
|
2 | 1 | 1 | 8 | 3 | 6 | 3 | 43 | 28 | 2 | |
| Год | Намініраваны твор | Арганізацыя | Узнагарода | Вынік |
|---|---|---|---|---|
| 2012 | "It's Time" | MTV Video Music Awards | Лепшае рок-відэа | Намінацыя |
| 2013 | "Imagine Dragons" | Teen Choice Awards | Choice Music: Рок-гурт | Чаканне |