IT-краіна — беларускі дзяржаўны праект, заснаваны на канцэпцыі вываду Беларусі ў лік сусветных лідараў IT-індустрыі.[1] Пачатак працэсу быў дадзены Дэкрэтам Прэзідэнта Рэспублікі Беларусь №8 ад 21.12.2017 «Аб развіцці лічбавай эканомікі». Падмуркам рэалізацыі праекта стаў Парк высокіх тэхналогій. Прэзентацыя экспазіцыі «IT-краіна Беларусь» адбылася на XXV Міжнародным форуме па інфармацыйна-камунікацыйных тэхналогіях «TIBO-2018» у Мінску 14—18 мая 2018 года, які ўключаў міжнародную спецыялізаваную выстаўку і Беларускі кангрэс па тэхналогіях інфармацыйнага грамадства.[2][3][4]
Каталізатарам працы над Дэкрэтам з’яўляюцца крыптавалюты. Токены[ru] можна адчужаць, купляць і абменьваць без якіх-небудзь падаткаў на гэтыя аперацыі праз біржы і аператараў абмену. Таксама дазволена размяшчэнне токенаў кампаніі на біржы для іх продажу, але праводзіць ICO[ru] могуць толькі рэзідэнты ПВТ.[5]
Па факце ў Беларусі ў асобным узятым сектары эканомікі істотна пашырана эканамічная свабода і магчымасці развіцця. Гэта абсалютны пазітыў, які стаў магчымым дзякуючы таму, што група пасіянарных прадпрымальнікаў, навукоўцаў і візіянераў знайшла магчымасці, словы і аргументы пераканаць кіраўніка дзяржавы зрабіць добрую справу. Парадуемся за іх. Пацешымся за нас, таму што гэта і наша з вамі перамога. Спрэчкі аб блокчэйне, смарт-кантрактах, майнінгу, крыптавалютах і англасаксонскім праве пакінем на потым. |