wd wp Пошук: ⬜

Helianthemum oelandicum

Helianthemum oelandicum — від кветкавых раслін сямейства Ладаннікавыя (Cistaceae).

Батанічнае апісанне

Вечназялёны паўкуст вышынёй да 25 см. Сцеблы разгалінаваныя, густыя. Ля аснавання яны адраўнелыя, грубыя і шчаціністыя. Галіны касматыя і чырванаватыя. Мае эліптычнае вузкаланцэтнае зялёнае лісце і бледна-жоўтыя кветкі. Пялёсткі 5-10 мм. Цвіце вясной і летам.

Арэал

Від распаўсюджаны ў Еўропе (у тым ліку на востраве Эланд у Швецыі) і Малой Азіі. Тыповымі для пражывання гэтага віду з’яўляюцца сухія пашы і вапняковыя скалы. Расліну можна знайсці на вышынях ад 100 да 2800 метраў над узроўнем мора.

Значэнне

Від з’яўляецца афіцыйнай кветкавай эмблемай шведскай гістарычнай правінцыі Эланд [3].

Зноскі

↑ Ужываецца таксама назва Пакрытанасенныя.
↑ Пра ўмоўнасць аднясення апісанай у гэтым артыкуле групы раслін да класа двухдольных гл. артыкул «Двухдольныя».
↑ Svenska landskapsblommor (шведск.) . Naturhistoriska riksmuseet (11 кастрычніка 1996). Архівавана з першакрыніцы 29 верасня 2017. Праверана 7 красавіка 2018.

Спасылкі

Flora Vascular