HMS B6 — брытанская падводная лодка тыпу B. Пабудавана ў 1904-1905 гадах кампніяй Vickers, на верфі Бараў-ін-Фёрнас, дзе судна было спушчана 30 лістапада 1905 года. Яна пачала службу ў Каралеўскім флоце 03 сакавіка 1906 года.
У 1914 годзе B6 была размешчана ў Гібралтары пад камандаваннем лейтэнанта Філіпа Філіпса.[1]
У 1915 годзе B6 была пераведзена ва Ўсходняе Міжземнамор’е для падтрымкі ў Дарданэльскай аперацыі. 17 красавіка 1915 года падводная лодка HMS E15 паспрабавала прарвацца праз Дарданэлы, каб атакаваць суднаходства ў Мармуровым Моры. HMS E15 сеў на мелізну, і яе каманда была змушана пакінуць карабель, пазней у той жа дзень B6 беспаспяхова паспрабавала тарпедаваць HMS E15, каб перадухіліць спробы Турцыі захапіць пацярпелую падводную лодку.
У жніўні 1915 года B6 і аднатыпны HMS B11 былі адпраўлены ў Александрыю ў Егіпет, для прадухіленне турэцкіх паставак бедуінскім плямёнам. Абедзве падводныя лодкі павінны былі патруляваць Саллум, але было выяўлена, што яны не падыходзяць для гэтага задання, быўшы занадта маленькімі і мелі занадта маленькую далёкасць ходу і таму былі зняты з аперацыі.
У 1916 годзе лодка была часткай Адрыятычнай падводнай флатыліі, дыслакаванай у Брындызі і Венецыі пад камандаваннем лейтэнанта Коліна Г. Макартура [2]. Пазней карабель быў пераўтвораны ў патрульны катэр S6 і дзейнічаў на Адрыятыцы.