«DZIDZIO» (Дзідзьё) — украінскі поп-гурт, заснаваны ў 2009 годзе[2]. Выступае ў жанры «камедыйнага антыгламурнага попа». Выкарыстоўвае пасанскія(укр.) бел. гаворкі ўкраінскай мовы, суржык і ненарматыўную лексіку[3].
Гурт DZIDZIO быў створаны ў 2009 годзе ў горадзе Наваяварыўск, Львоўскай вобласці, пры падтрымцы Андрэя Кузьменка. У яго склад увайшлі Міхаіл Хома (Дзідзьо) і Алег Турко (Лёсік). Пазней далучыўся яшчэ адзін удзельнік — Назары Гук (Юлік). Да гэтага моманту Дзідзьо здабыў папулярнасць у Інтэрнэце дзякуючы сваім маналогам пра парсючка Мэйсана — «ідэйным натхняльнікам гурта».
Першы поспех DZIDZIO прынесла выкананне песні «Старі фотографії» гурта «Скрабін». Наступным хітом гурта стала песня «Ялта», словы і музыку для якой напісаў Андрэй Кузьменка[4]. Гурт набыў вялікую папулярнасць у інтэрнэце, іх фан-клуб “У Кантакце” налічвае больш за 200 тысяч падпісчыкаў.
Летам 2012 года адбылася прэм’ера кліпа на песню «ХА-ХА-ХА», а ў кастрычніку выйшаў аднайменны альбом. Вясной 2013 года выйшла іх новая песня «Сусіди». У сакавіку таксама выйшаў караоке-дыск групы ў DVD-фармаце. 18 мая 2013 года адбыўся сольны канцэрт гурта DZIDZIO на стадыёне «Арэна Львоў», які наведалі каля 25 000 гледачоў[5].
У 2016 годзе гурт са скандалам пакінуў гітарыст Алег Турко. Яго месца заняў Арэст Галіцкі (Лямур)[6].
2014 — «DZIDZIO Хіти»
2012 — «ХА-ХА-ХА»
Назва | Аўтар музыкі | Аўтар тэксту | Год |
---|---|---|---|
Я їду да мамі | М. Хома | М. Хома | 2015 |
MARSIK | М. Хома | М.Хома, В. Парфенюк | 2016 |
Птахоподібна | М. Хома | М. Хома | 2016 |
108 | М. Хома | М. Хома | 2016 |
Не матюкайся | М. Хома | М. Хома, Я. Таўстыга | 2017 |
Банда-Банда | М. Хома | М. Хома, В. Парфенюк | 2017 |
Афіцыйная старонка на Google+(недаступная спасылка)