Betula medwediewii
Betula medwediewii — від раслін роду Бяроза (Betula) сямейства Бярозавыя (Betulaceae).
У культуры сустракаецца даволі рэдка, галоўным чынам у батанічных садах.
Распаўсюджанне і экалогія
У прыродзе арэал віду ахоплівае Грузію, паўночна-ўсходнія раёны Ірана і паўночна-заходнія раёны Турцыі[3].
Расце ў гарах на вышыні 1000-1500 м над узроўнем мора. Па Мала-Аджарскаму хрыбту ўтварае своеасаблівыя групоўкі з Quercus pontica і рададэндранамі (Rhododendron).
 | ||||||||||
Лісце | ||||||||||
Батанічнае апісанне
Невысокае дрэва (3-6 м) або буйны куст з бялёсай карой і прамымі галінамі. Парасткі даволі тоўстыя, бароздавыя, касмата апушаныя; больш старыя галіны цёмна-бурыя з рассеянымі чачавічкамі, голыя.
Пупышкі буйныя, яйкападобна-даўгаватыя, клейкія, з 6-8 цёмна-бурай, па краі расніцавай лускай. Лісце яйкападобнае да эліптычнага і зваротнаяйкападобнага, даўжынёй 6-12 см, шырынёй 3-6 см, найбольш шырокае прыблізна на сярэдзіне ліставай пласцінкі, на верхавіне часцей закругленае з кароткім лязом, радзей выцягнутае і завостранае, ля аснавання круглявае, часам трохі сэрцападобнае, па краі няправільна або дваяка-тонка-зубчастае, зверху цёмна-зялёнае, цьмянае або трохі ільснянае, знізу светла-зялёнае, на валасістых хвосціках даўжыней (ад 4) 8-20 мм.
Тычынкавыя каташкі цыліндрычныя, адхіленыя або павіслыя, даўжынёй 4-5 см, шырынёй 0,5—1 см, сабраны па 2-3 на вяршыні галінак. Песцічныя каташкі даўгавата-цыліндрычныя, прамыя або некалькі выгнутыя, даўжынёй 2,5—4 см, дыяметрам 1,5—1,8 см, на апушаных ножках. Прыкветкавыя лускі падоўжана клінаватыя, трохлопасцевыя, ля аснавання моцна дравяністыя, па краі валасіста-расніцавыя, з лінейна-даўгаватымі лопасцямі; сярэдняя лопасць дагары некалькі пашыраная, у 2 разы даўжэй бакавых, адхіленых долей.
Арэшак зваротнаяйкападобны, даўжынёй каля 3 мм. Крыльца вузкае, прыкладна ў 4 разы вузей арэшка.
Таксанамія
Від уваходзіць у род Бяроза (Betula) падсямейства Бярозавыя (Betuloideae) сямейства Бярозавыя (Betulaceae) парадку Букакветныя (Fagales).
| яшчэ 7 сямействаў (згодна Сістэме APG II) |
яшчэ 1—2 рода | |||||||||||||||
| порядок Букакветныя | падсямейства Берёзовые | від Betula medwediewii | ||||||||||||||
| аддзел Кветкавыя, ці Пакрытанасенныя | сямейства Бярозавыя | род Бяроза |
||||||||||||||
| яшчэ 44 парадкі кветкавых раслін (згодна Сістэме APG II) |
яшчэ адно падсямейства, Ляшчынавыя (згодна Сістэме APG II) |
яшчэ больш 110 відаў | ||||||||||||||
Зноскі
- ↑ Ужываецца таксама назва Пакрытанасенныя.
- ↑ Пра ўмоўнасць аднясення апісанай у гэтым артыкуле групы раслін да класа двухдольных гл. артыкул «Двухдольныя».
- ↑ Паводле сайта GRIN (гл. картку расліны).
Літаратура
- Род 1. Betula L. — Берёза // Деревья и кустарники СССР. Дикорастущие, культивируемые и перспективные для интродукции. / Ред. тома С. Я. Соколов. — М.—Л.: Изд-во АН СССР, 1951. — Т. II. Покрытосеменные. — С. 296. — 612 с. — 2 500 экз.
- Кузенева О. И. Род 364. Берёза — Betula L. // Флора СССР. В 30-ти томах / Главный редактор и редактор тома акад. В. Л. Комаров. — М.—Л.: Издательство Академии Наук СССР, 1936. — Т. V. — С. 274. — 762 + XXVI с. — 5 175 экз.
Спасылкі
- Берёза Медведева: інфармацыя пра таксон у праекце «Плантариум» (вызначальнік раслін і ілюстраваны атлас відаў). (руск.)
Катэгорыя·Бярозавыя
Катэгорыя·Вікіпедыя·Артыкулы з пераазначэннем значэння з Вікідадзеных
Катэгорыя·Таксоны раслін, названыя ў гонар людзей
Катэгорыя·Расліны паводле алфавіта
Катэгорыя·Біялагічныя артыкулы без ITIS
Катэгорыя·Флора Азіі