wd wp Пошук: ⬜

BASF

BASF Societas Europaea (BASF SE, «Badische Anilin- & Soda-Fabrik» / «Бадзішэ анілін- унд сода- фабрык») — найбуйнейшы ў свеце[6] хімічны канцэрн. Штаб-кватэра — у горадзе Людвігсхафене ў зямлі Рэйнланд-Пфальц на паўднёвым захадзе Германіі.

Гісторыя

Канцэрн заснаваны 6 красавіка 1865 года. Скарачэнне BASF пазначала «Badische Anilin- und Soda-Fabrik», гэта значыць «Бадэнская фабрыка па вырабе аніліну і соды», але гэта назва састарэла, засталося толькі скарачэнне.

З 1925 па 1952 кампанія ўваходзіла ў германскі хімічны канцэрн IG Farben [7].

Апісанне

Адыграла важную ролю ў развіцці вытворчасці фарбаў, пластмасаў, фармацэўтычных прэпаратаў, стварэнні прамысловага сінтэзу аміяку і інш. Адзін з вядучых у свеце вытворцаў угнаенняў, пігментаў, палімерных матэрыялаў і паўфабрыкатаў для іх выпуску, лекаў, хімічных сродкаў аховы раслін, магнітных стужак[8].

Выпускае больш за 5 тыс. найменняў гатовых вырабаў і 7 тыс. паўфабрыкатаў. Здабывае нафту, прыродны газ і вугаль. Аб’ядноўвае больш за 100 прадпрыемстваў у Германіі і каля 200 у ЗША, Францыі, Бельгіі, Нідэрландах, Японіі, Індыі, Бразіліі, Аргенціне і інш[8].

Уласнікі і кіраўніцтва

72 % акцый BASF належыць істытуцыянальным фундатарам (сярод якіх AXA SA — больш за 5 %, Allianz AG — 2,6 % і General Capital Group — 2,1 %).

Курт Бок (ням.: Kurt Bock) — старшыня савета дырэктараў, Юрген Штрубэ (ням.: Jürgen F. Strube) — старшыня наглядальнага савета.

Зноскі

↑ Deutsche Länderbank AG // 20th Century Press Archives — 1908. Праверана 1 ліпеня 2021.
↑ Chemische Düngerfabrik Rendsburg // 20th Century Press Archives — 1908. Праверана 1 ліпеня 2021.
↑ Glasurit-Werke M. Winkelmann AG // 20th Century Press Archives — 1908. Праверана 1 ліпеня 2021.
↑ Deutsche Gasolin AG // 20th Century Press Archives — 1908. Праверана 1 ліпеня 2021.
↑ Phrix-Werke AG // 20th Century Press Archives — 1908. Праверана 1 ліпеня 2021.
↑ BASF SE information and related industry information from Hoover’s United Kingdom (UK)
↑ BASF in China, History
1 2 Беларуская энцыклапедыя: У 18 т. Т. 2: Аршыца — Беларусцы / Рэдкал.: Г. П. Пашкоў і інш. — Мн.: БелЭн., 1996. — 480 с.: іл. ISBN 985-11-0061-7 (т. 2), ISBN 985-11-0035-8

Літаратура

Беларуская энцыклапедыя: У 18 т. / Рэдкал.: Г. П. Пашкоў і інш.. — Мн.: БелЭн, 1996. — Т. 2: Аршыца — Беларусцы. — 480 с. — 10 000 экз. — ISBN 985-11-0061-7 (т. 2), ISBN 985-11-0035-8.

Спасылкі

На Вікісховішчы ёсць медыяфайлы па тэме BASF
Афіцыйны сайт кампаніі(англ.)
RELIUS-Gruppe Архівавана 31 снежня 2011.(ням.)
BASF Performance Flooring Архівавана 24 лістапада 2011.(ням.)