Анілін[1], амінабензол[1], феніламін — арганічнае рэчыва, найпрасцейшы араматычны амін, C6H5NH2. Упершыню атрыманы ў 1826 годзе.
Бясколерная алеепадобная вадкасць. Пры захоўванні жаўцее, затым бурэе ў выніку акіслення кіслародам паветра. Малекулярная маса 93,13[2] а.а.м. Тэмпература плаўлення −5,89[2] °C. Тэмпература кіпення 184,4 °C. Шчыльнасць 1,02173[2] г/см³ пры тэмпературы 20 °C. Слаба раствараецца ў вадзе. Раствараецца у ліграіне[2]. З большасцю вуглевадародаў утварае азеатропныя сумесі. Лёгка акісляецца.
У прамысловых умовах анілін атрымліваюць аднаўленнем нітрабензолу малекулярным вадародам у прысутнасці плаціны (рэакцыя Зініна).
Анілін выкарыстоўваецца ў вытоворчасці анілінавых фарбавальнікаў, выбуховых рэчываў, анілінафармальдэгідных смол, лекавых прэпаратаў, у якасці паскаральніка вулканізацыі каўчуку.
Анілін атрутны. Уздзейнічае на цэнтральную нервовую сістэму, выклікае кіслороднае галаданне.