У Вікіпедыі ёсць артыкулы пра іншых асоб з прозвішчам Слюнчанка.
Anton Snt (30 снежня 1974, Мінск) — мастацкі псеўданім Антона Валер’евіча Слюнчанкі — беларускага мастака, які працуе ў галіне contemporary art.
Нарадзіўся ў сям’і архітэктараў-рэстаўратараў. Бацька — Валерый Рыгоравіч Слюнчанка, вучань вядомага беларускага архітэктара Алега Хадыкі[1]. Маці — педагог, мастацтвазнаўца і майстар выцінанкі.
Першыя мастацкія навыкі атрымаў у свайго бацькі. Потым былі заняткі ў вячэрняй мастацкай школе №1 г. Мінска і сярэдняй школе №147 з мастацкім ухілам. На выбар далейшай прафесіі аказалі ўплыў выкладчыкі Наталля Залозная, Ніна Чарнова, Барыс Сырэнскі, Руслан Сяргееў.
Цэнтральныя тэмы творчасці мастака — сучасная іканаграфія вобраза Марыі і вобраза Смерці.