«AC/DC» — аўстралійскі рок-гурт, утвораны ў лістападзе 1973 года братамі Малкальмам і Ангусам Янгамі, якія заставаліся членамі гурта да хваробы і сыходу Малкальма ў 2014 годзе. Звычайна іх называюць хард-рок ці блюз-рок гуртом, але яны таксама лічацца піянерамі цяжкага металу, хоць самі заўсёды называлі сваю музыку проста «рок-н-рол». На сённяшні дзень з’яўляюцца адным з самых прадаваных гуртоў усіх часоў. У агульнай колькасці было прададзена больш за 200 мільёнаў альбомаў «AC/DC» па ўсім свеце.