377-ы гвардзейскі зенітна-ракетны полк — падраздзяленне ўзброеных сіл Беларусі. Месца дыслакацыі — горад Полацк.
У 1941 годзе на цэнтральным аэрадроме Сталінграда быў сфарміраваны 629-ты знішчальны авіяцыйны полк.
31 сакавіка 1943 года пасля заканчэння Сталінградскай бітвы палку было прысвоена званне гвардзейскага.
За гады Вялікай Айчыннай вайны асабовым складам часці было ажыццёўлена больш за 5 тысяч баявых вылетаў, больш за 200 паветраных баёў, 111 разведак і штурмовак, знішчана 123 самалёта, 18 танкаў, 23 аўтамашыны з грузам і жывой сілай праціўніка.
З 1946 па 1960 год воінская часць базіравалася ў Растове-на-Доне. У 1960 годзе яна была перафарміравана ў 377-ы гвардзейскі зенітны ракетны полк і адбыла да новага месца дыслакацыі — у Полацк.
У 2016 годзе полк атрымаў на ўзбраенне ЗРК С-300[1].