У Вікіпедыі ёсць артыкулы пра іншых асоб з прозвішчам Нікалаенка.
Яўген Макаравіч Нікалаенка (17 верасня 1905, в. Вудага, Камаровіцкая воласць, Чэрыкаўскі павет, Магілёўская губерня, цяпер Чэрыкаўскі раён, Беларусь — 16 красавіка 1961) — Герой Савецкага Саюза (1939).
Скончыў акадэмію Генштаба. У 1935—1941 гг. камандзір звяна, атрада, экскадрыллі, начальнік ваеннай авіяшколы, камандзір авіядывізіі, намеснік камандуючага, камандуючы ВПС акругі. У Айчынную вайну на Паўднёвым, Крымскім, Заходнім, Паўднёва-Заходнім, 3-м Беларускім франтах — камандуючы ВПС арміі, фронту, намеснік камандуючага паветранай арміяй. Удзельнік баёў пад Масквой, у Крыму і Усходняй Прусіі. Да 1955 г. знаходзіўся на адказных пасадах у ВПС.