У Вікіпедыі ёсць артыкулы пра іншых асоб з прозвішчам Нікалаеў.
Яўге́н Дзмі́трыевіч Нікала́еў (13 (26) снежня 1913, Мінск — 30 снежня 1978, Віцебск) — беларускі тэатральны мастак, народны мастак БССР (1967), заслужаны дзеяч мастацтваў Беларускай ССР (1955).
Нарадзіўся ў Мінску ў сям’і служачага. У 1933 годзе скончыў Віцебскі мастацкі тэхнікум, вучыўся ў М. Эндэ, У. Хрусталёва, І. Ахрэмчыка. Пачаў працаваць загадчыкам бутафорскім цэхам у БДТ-2 (сучасным Нацыянальным акадэмічным драматычным тэатры імя Якуба Коласа). З 1944 года амаль 35 гадоў быў галоўным мастаком Беларускага акадэмічнага тэатра імя Я. Коласа, аформіў звыш 200 спектакляў. У кастрычніку 1967 года Я. Нікалаеву было прысвоена званне народнага мастака БССР. У 1968 годзе ён атрымаў Дзяржаўную прэмію БССР.