Яўген Іванавіч Клімчанка (5 сакавіка 1924, в. Лагаўшчына, Талачынскі раён, Віцебская вобласць — 22 лістапада 1989) — работнік прамысловасці, Герой Сацыялістычнай Працы.
З 1941 года працаваў слесарам-інструментальшчыкам у Новасібірску.
Удзельнік Вялікай Айчыннай вайны. Быў курсантам школы авіямеханікаў, камандзірам аддзялення чыгуначных войск на Забайкальскім фронце і ў Забайкальскай ваеннай акрузе.
Пасля звальнення ў запас у 1949 годзе пачаў працаваць на Мінскім трактарным заводзе, які яшчэ будаваўся. Яму было даручана падрыхтаваць інструмент для вытворчасці будучай тэхнікі. Сваё майстэрства перадаў маладым рабочым і падрыхтаваў больш за 40 вучняў.
З 1944 года — член ВКП(б), а з 1976 года — член ЦК КПСС. З’яўляўся дэпутатам Вярхоўнага Савета СССР у 1970—1974 гадах[1].
Памёр 22 лістапада 1989 года.