Ян Ку́белік (чэшск.: Jan Kubelík; 5 ліпеня 1880, Міхле каля Прагі — 5 снежня 1940, Прага, Чэхія) — чэшскі скрыпач і кампазітар. Бацька Рафаэля Кубеліка. Член Чэшскай Акадэміі навук і мастацтваў (1932).
Ігры на скрыпцы вучыўся ў бацькі І. М. Кубеліка, К. М. Вебера і інш. Скончыў у 1898 годзе Пражскую кансерваторыю.
Музыкант-віртуоз, адзін з лепшых выканаўцаў найбольш складаных твораў Н. Паганіні. Увёў у выканальніцкую практыку больш павольны тэмп ігры тэхн. пасажаў. Аўтар сімфоніі (1937), 6 канцэртаў для скрыпкі з аркестрам (1916—1924), скрыпічных п’ес, віртуозных канцэртных кадэнцый і інш.
У 1947 і 1949 прайшлі Міжнародныя конкурсы скрыпачоў імя Кубеліка (у рамках муз. фестывалю «Пражская вясна»).