Я́нкішкі, Янкішскае — возера ў Пастаўскім раёне Віцебскай вобласці ў басейне ракі Камайка, у 2 км на паўднёвы ўсход ад вёскі Сакуны, у 1 км ад вёскі Янкішкі.
Плошча паверхні 0,18 км². Даўжыня возера 0,8 км, найбольшая шырыня 0,3 км. Найбольшая глыбіня 2,5 м, сярэдняя 1,2 м. Плошча вадазбору 15,6 км². Аб’ём вады 0,22 млн. м³. Даўжыня берагавой лініі 1,95 км.
Катлавіна возера выцягнутая з поўначы на поўдзень. Схілы катлавіны вышынёй да 6—10 м, спадзістыя. Берагавая лінія слабазвілістая. Берагі на поўначы возера нізкія, у астатняй частцы высокія, зліваюцца са схіламі катлавіны. Дно плоскае, выслана ілам.
У возера ўпадаюць ручаі і выцякае ручай у раку Камайка. Зарастае амаль па ўсё плошчы. Сярод раслін: рдзест, гарлачыкі, аер, трыснёг, чарот.