У Вікіпедыі ёсць артыкулы пра іншых асоб з прозвішчам Уілсан.
Эндру Уілсан (англ.: Andrew Wilson; нар. 15 кастрычніка 1961, Камбрыя, Англія, Вялікабрытанія) — брытанскі гісторык, палітолаг і спецыяліст па Усходняй Еўропе.
Уілсан вывучаў гісторыю ў Оксфардскім універсітэце і атрымаў ступень доктара філасофіі ў Лонданскай школе эканомікі і палітычных навук у 1993 годзе[7]. Працаваў у каледжы Сідні Сасекс(англ.) бел. пры Кембрыджскім універсітэце. З’яўляецца выкладчыкам руска- і ўкраіназнаўства у Школе славяна-ўсходнееўрапейскіх даследаванняў(польск.) бел. пры Універсітэцкім каледжы Лондана(укр.) бел.[7].
Уілсан — старшы навуковы супрацоўнік аналітычнага цэнтра «Еўрапейскі савет па міжнародных адносінах(укр.) бел.»[8]. Таксама член савета дырэктараў «Ukraine Today(укр.) бел.», украінскага навінавага канала на англійскай мове[9]. Ён таксама ганаровы супрацоўнік Каралеўскага інстытута міжнародных адносін(укр.) бел.[7].
Напісаў шэраг кніг і часопісных артыкулаў у асноўным па Расіі, Украіне і Беларусі. Валодае ўкраінскай, рускай, размоўнай французскай і трохі беларускай мовамі[8].