Э́міль Фі́ла (чэшск.: Emil Filla; 4 красавіка 1882, Хропіне, Маравія — 7 кастрычніка 1953, Прага) — чэшскі мастак, мастацтвазнавец.
Вучыўся ў Акадэміі мастацтваў у Празе (1903—1906). Выкладаў у Мастацка-прамысловай школе ў Празе. Прадстаўнік антыфашысцкага кірунку ў чэшскім мастацтве 1930-х гадоў. У 1939—1945 гадах зняволены ў канцлагер.
У творах звяртаўся да прыёмаў экспрэсіянізму і кубізму, якія вылучаюцца фарбавай экспрэсіяй, драматызмам, алегарычнасцю: «Фашызм» (1937), «Барацьба льва з быком» (1938), «Будзе вайна, будзе…» (1939), «Бухенвальд» (1947). Аўтар серый, кампазіцый «Балады» (1939), нацюрмортаў (1947—1948), пейзажаў «Чэшскае міжгор’е» (1949—1952).