Эміль Нестар Се́цяля[2] (фінск.: Eemil Nestor Setälä; 27 лютага 1864, Кокемякі — 8 лютага 1935, Хельсінкі, Фінляндыя) — фінскі філолаг, палітык і дзяржаўны дзеяч.
Быў членам Партыі маладафінаў, прымаў удзел у працы Фінскага сената. З 7 па 15 лістапада 1917 года, з’яўляючыся Старшынёй Фінскага сената, фактычна з’яўляўся кіраўніком незалежнай Фінляндыі. Пасля аб’яднання ў 1918 годзе маладафінаў з Фінскай партыяй у партыю Нацыянальная кааліцыя, стаў членам апошняй, а ў 1920—1921 гады быў яе старшынёй. З 1920 года старшыня нацыяналістычнай арганізацыі «Pro Carelia» («Карэльскі Саюз»), якая выступала за адлучэнне Карэліі ад РСФСР і далучэнне яе да Фінляндыі. Займаў пасады міністра адукацыі Фінляндыі (1925) і міністра замежных спраў (1926).