wd wp Пошук: ⬜

Шэпшэль Шэпшэлевіч Ходаш

Шэ́пшэль Шэ́пшэлевіч (Алякса́ндр Алякса́ндравіч) Хо́даш (1896, Бабруйск, Мінская губерня — 1951, Масква) — савецкі прафсаюзны і дзяржаўны дзеяч, удзельнік барацьбы за савецкую ўладу ў Беларусі.

Біяграфія

У 1918 годзе член Мінскага падпольнага райкама РКП(б). У 1918—1920 гадах член мінскіх губкама партыі і губернскага ВРК, Камітэта абароны Мінска, адзін з арганізатараў 1-га Мінскага рабочага палка імя Мінскага савета прафсаюзаў, выконваючы абавязкі намесніка камісара працы Літоўска-Беларускай ССР. З 1921 года старшыня Мінскага губернскага савета прафсаюзаў, з 1924 года — Цэнтральнага савета прафсаюзаў Беларусі.

З 1925 гадах на прафесійнай рабоце ў РСФСР. У 1931—1937 гадах член калегіі і кіраўнік сектара кадраў, начальнік упраўлення навучальных устаноў Наркамата фінансаў СССР. У 1939—1947 гадах намеснік кіраўніка справамі Наркамата (Міністэрства) земляробства СССР. З мая 1947 года начальнік адміністрацыйна-гаспадарчага аддзела Галоўводсельгаспадаркі Міністэрства сельскай гаспадаркі СССР.

У 1921—1924 гадах член ЦК КП(б)Б, у 1924—1925 гадах член ЦК і Бюро ЦК КП(б)Б. У 1924 годзе член Часовага беларускага бюро ЦК РКП(б) і кандыдат у члены яго Прэзідыума. Член ЦВК БССР (1920—1925).

Сям’я

Жонка — Паліна Леапольдаўна Разоўская.
- Дачка — Інэса Аляксандраўна Ходаш, гісторык, бібліёграф.
- Сын — Уладзімір Аляксандравіч Ходаш, заслужаны вынаходнік РСФСР(1970 г.)[1].
Швагер — Ізраіль Леапольдавіч Разоўскі (1899-1938), дырэктар Сталінскай ЦЭЦ.

Спасылкі

Справочник по истории Коммунистической партии и Советского Союза 1898 – 1991 (руск.)

Зноскі

↑ Указ Президиума Верховного Совета РСФСР № 1176 от 11 декабря 1970 года