Расійская Савецкая Федэратыўная Сацыялістычная Рэспубліка (руск.: Российская Советская Федеративная Социалистическая Республика) (РСФСР, Расія, Савецкая Расія) — першая ў свеце сацыялістычная дзяржава, створаная ў выніку Кастрычніцкай рэвалюцыі, з 1922 па 1991 — саюзная рэспубліка СССР, самая вялікая па плошчы, насельніцтву і эканамічнай магутнасці. 25 снежня 1991 года згодна са спецыяльным законам атрымала назву Расійская Федэрацыя. Пасля ліквідацыі органаў улады СССР 25 — 26 снежня 1991 года стала незалежнай дзяржавай.
Дзяржава-прадаўжальнік і правапераемнік СССР у Савеце Бяспекі ААН і іншых міжнародных арганізацыях.