Шыракарот усходні (Eurystomus orientalis) — птушка сямейства сівагракавыя (Coraciidae).
Даўжыня цела каля 30 см. Галава і спіна чарнаватыя з зялёным адценнем на галаве. На крылах бледна-блакітнае «люстэрка». Бруха цёмна-блакітнае з зеленаватым адценнем і фіялетава-сіняй плямай на горле і валляку. Хвост чорны з цёмна-сіняй асновай. Дзюба чырвоная з чорным канцом. Ногі чырванаватыя. Нясе 4—6 яец. Корміцца насякомымі, малюскамі.