Чорны | ||
---|---|---|
— Колерныя каардынаты — | ||
RGB HEX | #000000 | |
RGB¹ | (r, g, b) | (0, 0, 0) |
CMYK² | (c, m, y, k) | (0, 0, 0, 100 †) |
HSV | (h, s, v) | (-°, -%, 0%) |
¹: Нармалізавана да [0–255] ²: Нармалізавана да [0–100] |
Чорны — ахраматычны колер. У сістэме RGB пазначаецца як #000000. Адценні чорнага колеру мянуюцца шэрым колерам.
У друкарні, для вытворчасці чарнілаў і ў іншых выпадках нярэдка ўзнікае неабходнасць сінтэзаваць чорны колер (фарбавальнік) шляхам змешвання некалькіх фарбавальнікаў.
У шматлікіх народаў з’яўляецца колерам жалобы, з чорным колерам звязваюць цёмныя сілы.
На Ўсходзе лічыцца знакам дабра, чысціні і дасканаласці.
Чувашы жывёлам чорнага колеру прыпісваюць звышнатуральную сілу. Лічыцца, напрыклад, што крумкач ведае зламыснасць усіх людзей і кожны раз, калі ён, крумкаючы, пралятае над людзьмі, ён тым самым прадказвае будучыню, папярэджвае аб бедах. Калі ў маці-чувашкі адзін за іншым паміраюць малыя дзеці, то нованароджанаму дзіцяці, каб ён застаўся ў жывых, даюць імя якой-небудзь жывёлы чорнай масці.
Па чувашскіх жа павер’ях, певень чорнай масці прыносіць шчасце свайму гаспадару.
Раней паўночныя чувашы прычыняламу заразныя хваробы злому духу Вупкану прыносілі ў ахвяру трох чорных бараноў.
Чорны — традыцыйны колер анархістаў. Пад чорным сцягам ваявалі атрады Н. І. Махно падчас Грамадзянскай вайны ў Расіі (1917—1922). Гісторыя чорнага сцяга ўзыходзіць ад часоў Ліёнскіх паўстанняў (1831 і 1834), калі паўсталыя фарбавальшчыкі выкарысталі чорны сцяг у процівагу манархічнаму сцягу, дзе пераважаў белы колер.
Чорны — колер прэстыжу (чорныя лімузіны, чорныя смокінгі).
У японскай культуры чорны — знак высакароднасці, узросту і досведу па кантрасце з белым колерам, які сімвалізуе вучнёўства, маладосць. Чорны колер сімвалізуе вышэйшы ранг у шматлікіх баявых мастацтвах (чорны пояс).
Чорны колер часта з’яўляецца знакам неадназначнасці, таямніцы і невядомасці («пакрыта цямрэчай таямніц і невядомасці»).
У сярэднія стагоддзі чорная кошка была адным з атрыбутаў ведзьмы. Забабонныя людзі і цяпер лічаць, што калі чорны кот пяройдзе дарогу, то гэта да няшчасця.
Web colors | black | silver | grey | white | red | maroon | purple | fuchsia | green | lime | olive | yellow | orange | blue | navy | teal | aqua |
---|---|---|---|---|---|---|---|---|---|---|---|---|---|---|---|---|---|