wd wp Пошук: ⬜

Шалёны агурок

Шалёны агурок (Ecballium elaterium) — кветкавая расліна сямейства гарбузовых.

Апісанне

Шматгадовая травяністая расліна. Сцёблы распасцёртыя або ўзыходныя, даўжынёю да 2 м, без вусікаў. Лісце лопасцевае, шурпатае, знізу шаравата-лямцавае. Кветкі жоўтыя, аднадомныя. Плады сакаўныя, эліптычныя, цвёрда-шчаціністыя, даўжынёю 3—6 см, нагадваюць агурок, спелыя лёгка аддзяляюцца ад кветаножкі і выкідваюць праз адтуліну моцны струмень слізі з насеннем (адсюль назва).

Распаўсюджанне

Пашыраны ў Паўднёвай і Усходняй Еўропе, у Цэнтральнай і Заходняй Азіі. Трапляецца на сухіх камяністых схілах, прыморскіх пясках, каля жылля.

Выкарыстанне

Лекавая расліна. Вялікія дозы соку пладоў выклікаюць атручэнне.

Зноскі

↑ Ужываецца таксама назва Пакрытанасенныя.
↑ Пра ўмоўнасць аднясення апісанай у гэтым артыкуле групы раслін да класа двухдольных гл. артыкул «Двухдольныя».

Літаратура

Траццякоў Дз. Шалёны агурок // Беларуская энцыклапедыя: У 18 т. / Рэдкал.: Г. П. Пашкоў і інш.. — Мн.: БелЭн, 2003. — Т. 17: Хвінявічы — Шчытні. — 512 с. — 10 000 экз. — ISBN 985-11-0279-2 (т. 17), ISBN 985-11-0035-8.