wd wp Пошук: ⬜

Чыстае мастацтва

«Чы́стае маста́цтва» (руск.: Чистое искусство) — беларускі дакументальны фільм рэжысёра Максіма Шведа, зняты ў 2019 годзе.[1] Стужка атрымала спецыяльны дыплом ад экспертаў з фармуліроўкай «За дасціпнае і трапнае адлюстраванне беларускай самасвядомасці» на кінафестывалі «Лістапад», удзельнічала ў МКФ у Кракаве.[2] Рэжысёр Максім Швед быў прызнаны лепшым на расійскім кінафестывалі дакументальнага кіно «ArtDocFest».[3][4]

Сюжэт

Маляркі ЖЭСа Зіна і Іна старанна зафарбоўваюць на мінскіх сценах надпісы, пакідаючы пасля сябе рознакаляровыя прамавугольнікі, а натхнёны гэтымі фігурамі мастак-абстракцыяніст Захар Кудзін выходзіць на гарадскі пленэр і капіруе іх на палатно. Мінакі цікавяцца, спрабуюць інтэрпрэтаваць творчасць Захара і выказваюць свае думкі, прычым не толькі пра мастацтва.

Акцёры

Акцёр	Роля
Захар Кудзін

Здымачная група

рэжысёр — Максім Швед
сцэнарый — Максім Швед, Лукаш Чайка
аператар — Гжэгаж Хартфіл
прадзюсары — Магда Баравец, Таццяна Матысяк, Воля Чайкоўская

Крытыка

«Чыстае мастацтва» — адзін з найлепшых беларускіх дакументальных фільмаў апошняга часу, прычым ён цудоўна паддаецца пад інтэрпрэтаванне. Гэта работа для ўнутранага спажывання: ніхто, апроч беларуса, так добра не зразумее прыгоды свабоднага мастака з вялікім палатном у адносна свабодным горадзе і тонкасць, з якой яны паказаны. Рэжысёр павярцеў у руках мастацтва і тое, што яно мае на ўвазе, з усіх бакоў: здаецца, няма нічога датычнага тэмы, што ў карціне не аказалася хоць бы ў адным плане, прычым гэта дзіўным чынам уплятаецца ў логіку, а ў той жа час можа яе разгалінаваць — толькі пажадай.^[5]

Ірэна Кацяловіч

Цікавыя факты

29 cнежня 2019 года скончыў жыццё самагубствам мастак Захар Кудзін, які быў галоўнай дзеючай асобай фільма[6]

Зноскі

↑ У пракат выходзіць фільм пра беларускі ЖЭС-арт (нявызн.), 34mag (15.11.2019). Праверана 5 студзеня 2020.
↑ Аўтар фільму пра мастацтва беларускіх ЖЭСаў стаў найлепшым рэжысёрам фестывалю «Артдокфэст» (нявызн.), Белсат (2019.10.27 17:34). Праверана 5 студзеня 2020.
↑ «Чыстае мастацтва» рэжысёра Максіма Шведа (нявызн.), Беларускае Радыё Рацыя . Праверана 5 студзеня 2020.
↑ Грыдзін, Уладзь. «ЖЭС-арт — гэта тая ж „апошняя дыктатура Эўропы“, толькі ня так банальна». У кінатэатрах ідзе фільм пра супрацоўніц ЖЭС і мастацтва (нявызн.), Радыё Свабодная Еўропа/Радыё Свабода (26 лістапад 2019, 12:00). Праверана 5 студзеня 2020.
↑ Кацяловіч, Ірэна. Фільм «Чыстае мастацтва» даследуе абліччы маладой краіны (нявызн.), «Звязда» (22.06.2019 00:29). Праверана 5 студзеня 2020.
↑ «На піку папулярнасці фільма не было грошай на талончык». Сям’я мастака Кудзіна пра яго самазабойства (нявызн.), TUT.BY (9 студзеня 2020). Праверана 1 лютага 2020. Архівавана 1 лютага 2020.

Спасылкі

«Чыстае мастацтва» на сайце «Лістапад»