Чайка камчацкая (Larus schistisagus) — птушка сямейства Чайкавыя (Laridae).
Дарослыя самцы і самкі ў шлюбным уборы маюць белую галаву, шыю, бруха, бакі, хвост. Мантыя цёмна шыферна-шэрая, некалькі святлей, чым у марской чайкі. Вочі жоўтыя, павекі чырванаватыя. Дзюба жоўтая, на канцы — чырвоная пляма; ногі ружова-мяснога колеру, з чорнымі кіпцюрамі.
Арэал: узбярэжжы Ахоцкага і Берынгава мораў; гняздуецца ў Каракіі, на Камчатцы, на Курыльскіх астравах і на Сахаліне. У негнездавы час сустракаецца каля берагоў Прымор’я, Камандорскіх астравоў, Японіі, Кітаі. Частка птушак і ўзімку застаецца ў межах гнездавой вобласці, іншыя падаюцца да поўдня.
Гнездавы біятоп — скалістыя ўзбярэжжы мацерыкоў і выспаў, але таксама і роўныя пясчаныя берагі з хмызняковай расліннасцю. Пасля гнездавання ў жніўні-верасні птушкі трымаюцца чародамі каля рэк, а пасля іх замярзання перамяшчаюцца на марскія ўзбярэжжы.
З 2008 па 2012 гады птушка 4 разы адзначалася ў Еўропе (Літва, Латвія, Вялікабрытанія, Ісландыя, Фінляндыя). На тэрыторыі Беларусі адзіная птушка адзначана ў снежні 2012 ў горадзе Гродна.