У Вікіпедыі ёсць артыкулы пра іншых асоб з прозвішчам Арлоў. Цімафей Мікалаевіч Арлоў (нар. 15 лютага 1915, в. Вялікае Чавусава, Кетаўскі раён, Курганская вобласць — 26 снежня 1943, в. Стасева, Лёзненскі раён, Віцебская вобласць) — Герой Савецкага Саюза (1944).
Член КПСС з 1942 года. На фронте з 1941 года. Вызначыўся ў баях за вызваленне Магілёўскай і Віцебскай абласцей. 11 лістапада 1943 года стралковыя падраздзяленні палка, якімі камандаваў намеснік камандзіра палка маёр Ц. М. Арлоў, каля вёскі Чырвоная Слабада Быхаўскага раёна прарвалі лінію варожай абароны, адбілі 12 контратак, знішчылі 500 праціўнікаў. 25 снежня 1943 года ў час прарыву абароны праціўніка перарэзалі чыгунку Віцебск — Смаленск, прарваліся у тыл ворага знішчылі калонну. Ц. М. Арлоў загінуў у гэтым баі.
Пахаваны ў вёскі Стасева Лёзненскага раёна на вайсковых могілках. Імем Ц. М. Арлова названы вуліцы ў Лёзне і горадзе Курган[1].