Цёмкінскі раён (руск.: Тёмкинский район) — адміністрацыйна-тэрытарыяльная адзінка (раён) і муніцыпальнае ўтварэнне (муніцыпальны раён) на ўсходзе Смаленскай вобласці Расіі. Адміністрацыйны цэнтр — сяло Цёмкіна.
Мяжуе на поўначы з Гагарынскім, на захадзе з Вяземскім, на паўднёвым захадзе з Угранскім раёнамі Смаленскай вобласці. На поўдні, паўднёвым усходзе і ўсходзе мяжуе з Калужскай вобласцю, на паўночным усходзе з Маскоўскай вобласцю. Плошча раёна — 1324,25 км².
Поўнач і паўночны ўсход раёна размешчаны на Гжацк-Процвінскім узвышшы, паўднёвая частка на Угранскай нізіне. Глебы ў раёне дзярнова-сярэдне- і моцнападзолістыя. Лясы займаюць 45,4 % тэрыторыі. У 1975 годзе ў раёне на тэрыторыі Цёмкінскага і Фядоткаўскага лясніцтва быў створаны Цёмкінскі дзяржаўны заказнік.
Рэкі: Угра, Вора.