Хамёнкі[3] (трансліт.: Chamionki, руск.: Хомёнки[крыніца?] руск.: Хамёнки[1]) — вёска ў Гарадоцкім раёне Віцебскай вобласці. Уваходзіць у склад Даўгапольскага сельсавета.
Вёска знаходзіцца каля левага берага ракі Обаль, за 1,5 км ад аўтадарогі Н2550. Бліжэйшыя населеныя пункты — вёскі Завань, Пралетарск, Сілаўцы, Крошкі (Гарадоцкі раён) і Ставіца (Шумілінскі раён).
У сярэдзіне XIX ст. вёска Хамёнкі ў складзе маёнтка Азаркава ў Гарадоцкім павеце. У канцы XIX — пачатку XX ст. у Селішчанскай воласці Гарадоцкага павета Віцебскай губерні. З 20 жніўня 1924 г. у Іванаўскім (з 1929 г. Пралетарскі) сельсавеце Гарадоцкага раёна Віцебскай вобласці. У час калектывізацыі ў Хамёнках быў створаны калгас імя Гікалы. У 1944—1950 гг. дзейнічаў калгас імя Будзённага[4]. Вёска ўваходзіла ў склад калгаса і саўгаса «Іванаўка», дзейнічала жывёлагадоўчая ферма. З 2 верасня 1998 г. вёска Хамёнкі ў складзе Даўгапольскага сельсавета.