Даўгапо́льскі сельсаве́т — адміністрацыйна-тэрытарыяльная адзінка ў складзе Гарадоцкага раёна Віцебскай вобласці. Цэнтр — аграгарадок (да 2009 г. вёска) Даўгаполле.
Утвораны 16 ліпеня 1954 года шляхам аб’яднання скасаваных Маскаляняцкага і Селішчанскага сельсаветаў, цэнтр — вёска Даўгаполле[1]. У 1971 годзе скасаваны вёскі Каптуры і Семянюгі[2], 26 сакавіка 1973 года — вёскі Вялікі Узнор і Марціняты[3]. 12 жніўня 1974 года цэнтр сельсавета перанесены ў вёску Зарэчча[4], у жніўні 1988 года вернуты ў вёску Даўгаполле. 26 чэрвеня 1997 года да сельсавета далучана тэрыторыя скасаванага Пралетарскага сельсавета.
Насельніцтва сельсавета паводле перапісу 2009 года — 999 чалавек[5], з іх 87,1 % — беларусы, 9,2 % — рускія[6].