wd wp Пошук: ⬜

Фёдар Міхайлавіч Стралец

Фёдар Міхайлавіч Стралец (1910—1944) — удзельнік Вялікай Айчыннай вайны, Герой Савецкага Саюза, стралок 1090-га стралковага палка 323-й стралковай дывізіі 3-й арміі 1-га Беларускага фронту, чырвонаармеец.

Біяграфія

Нарадзіўся 1 кастрычніка 1910 года ў вёсцы Навумаўка цяпер Карукіўскага раёна Чарнігаўскай вобласці ў сям’і селяніна. Украінец.

Працаваў лесарубам у лясніцтве. У 1932 годзе прызваны ў шэрагі Чырвонай Арміі. У 1933 годзе дэмабілізаваўся. Другі раз прызваны ў снежні 1943 годзе. З гэтага ж часу ў дзеючай арміі. Ваяваў на 1-м Беларускім фронце.

Падчас аперацыі «Баграціён», 24-30 чэрвеня 1944 года стралок 1090-га стралковага палка чырвонаармеец Ф. М. Стралец, удзельнічаючы ў баях за вёску Вялікае Ляда Рагачоўскага раёна Гомельскай вобласці і вёску Залітвінне Кіраўскага раёна Магілёўскай вобласці, агнём з кулямёта адбіў некалькі контратак праціўніка, нанеслі яму значны ўрон у жывой сіле[1].

30 чэрвеня 1944 года чырвонаармеец Фёдар Міхайлавіч Стралец загінуў у баі.

Памяць

Імем Фёдара Міхайлавіча названа вуліца ў Гомелі, матэрыялы аб ім захоўваюцца ў Гомельскім абласным краязнаўчым музеі[2].
Імем Героя названы вуліцы ў Чарнігаве (рашэннем Чарнігаўскага гарвыканкама Савета дэпутатаў працоўных) і вёсцы Навумаўка.
У 1966 годзе была выпушчана паштовая марка СССР у гонар Ф. М. Стральца.

Узнагароды

Указам Прэзідыума Вярхоўнага Савета СССР ад 24 сакавіка 1945 года за ўзорнае выкананне баявых заданняў камандавання і праяўленыя пры гэтым мужнасць і гераізм радавому Фёдару Міхайлавічу Стральцу пасмяротна прысвоена званне Героя Савецкага Саюза.
Узнагароджаны ордэнам Леніна, медалямі.

Зноскі

↑ Операция «Багратион», освобождение Белоруссии Архівавана 8 кастрычніка 2014..
↑ Посольство України в Республіці Білорусь. Публікації (укр.) (укр.).

Спасылкі

Стралец, Фёдар Міхайлавіч. Сайт «Героі краіны».

Козюківський раён.(недаступная спасылка) Видатні землякі(недаступная спасылка) (укр.) .