wd wp Пошук:

Фёдар Іванавіч Ульянін

Фёдар Іванавіч Ульянін (1915—1944) — камандзір батальёна 422-га стралковага палка 170-й стралковай Рэчыцкай дывізіі, Герой Савецкага Саюза.

Біяграфія

Фёдар Ульянін нарадзіўся ў 1915 года ў вёсцы Балтуноўка Хвалынскага павета Саратаўскай губерні (цяпер — Ульяніна ў Хвалынскім раёне).

У сяле Балтуноўка скончыў сямігадовую школу. Затым працаваў у Карагандзе пасадчыкам на шахце № 17.

Быў прызваны ў РСЧА ў 1936 годзе. У 1938 годзе прымаў удзел у баях з японцамі на возеры Хасан. У 1940 годзе прымаў удзел у Савецка-фінскай вайне.

Удзельнічаў у Вялікай Айчыннай вайне з жніўня 1941 года. Ваяваў на Карэльскім, Паўночна-Заходнім, Цэнтральным і 1-м Беларускім франтах. У 1943 годзе быў узнагароджаны за баявыя заслугі ордэнамі Чырвонага Сцяга і Чырвонай Зоркі.

Званне Героя Савецкага Саюза Фёдару Іванавічу Ульянину прысвоена 23 жніўня 1944 года за доблесць і мужнасць, праяўленыя пры фарсіраванні рэк Друць і Дабысна.

Подзвіг

Камандзір батальёна 422-га стралковага палка 170-й стралковай Рэчыцкай дывізіі Фёдар Ульянін ў ноч з 23 на 24-е чэрвеня 1944 года ўтойліва пераправіў даручаную яму частку праз раку Друць у раёне горада Рагачова. Раніцай, пасля правядзення артпадрыхтоўкі, байцы батальёна першымі ўступілі ў бой, тым самым палегчыўшы пераправу асноўных сіл дывізіі. Раптоўным ударам гвардзейцы выбілі праціўніка з першых двух траншаў, а затым занялі вышыню 147,1, панаваўшую над навкольнай мясцовасцю[1].

Праціўнік неаднаразова контратаковаў, наносіў артылерыйскія і бомбавыя ўдары, спрабуючы выбіць батальён Ульяніна з вышыні, але беспаспяхова. А калі да вышыні падышлі іншыя падраздзяленні дывізіі, Ульянін зноў падняў батальён у атаку і адбіў у ворага вёску Заполле, а затым авалодаў вёскай Хапаны, забяспечыўшы агульны поспех палка і дывізіі.

Праціўнік здолеў замацавацца на рубяжы ракі Дабысна. Савецкае наступленне спынілася. 26 чэрвеня пад моцным агнём ворага батальён, якім камандаваў Фёдар Ульянін, фарсіраваў раку і захапіў плацдарм на яе заходнім беразе. Праціўнік распачаў тры спробы знішчыць войскі на захопленым плацдарме. Фёдар Іванавіч натхняў байцоў і камандзіраў асабістым прыкладам стрыманасці і мужнасці. Было падбіта некалькі танкаў праціўніка, каля 200 фашыстаў было забіта. Аднак падмацавання ўсё не было, а боепрыпасы былі на зыходзе. У гэты час праціўнік пачаў чарговую атаку на плацдарм. Па загадзе Ульяніна байцы батальёна падпусцілі гітлераўцаў на блізкую адлегласць, а затым закідалі іх гранатамі і адкрылі агонь па фашыстам з усіх кулямётаў, якія засталіся. Немцы былі ўражаны нечаканым адпорам.

Ульянин асабіста павёў байцоў у контратаку, праціўнік пачаў адступаць. У ходзе атакі Ульянін быў смяротна паранены асколкам разарваўшагася снарада, аднак ён адмовіўся эвакуіравацца і да апошніх хвілін жыцця кіраваў боем.

Пахаваны з воінскімі ўшанаваннямі ў вёсцы Дварэц Рагачоўскага раёна Гомельскай вобласці.

Памяць

У 1985 годзе роднае сяло Фёдара Ульяніна — Балтуноўка — было перайменавана ў яго гонар у Ульяніна[2].

Зноскі

  1. Герой Советского Союза Ульянин Фёдор Иванович.
  2. Хвалынский район. Выдающиеся люди Архівавана 10 лістапада 2012 года..

Спасылкі

Ульянин, Фёдар Іванавіч. Сайт «Героі краіны».

Тэмы гэтай старонкі (21):
Катэгорыя·Памерлі ў Рагачоўскім раёне
Катэгорыя·Памерлі 26 чэрвеня
Катэгорыя·Асобы
Катэгорыя·Нарадзіліся ў Саратаўскай вобласці
Катэгорыя·Вікіпедыя·Артыкулы з пераазначэннем значэння з Вікідадзеных
Катэгорыя·Вікіпедыя·Артыкулы пра асоб, для якіх не існуюць старонкі віду «І. Прозвішча»
Катэгорыя·Удзельнікі савецка-фінскай вайны
Катэгорыя·Вікіпедыя·Артыкулы пра ваенных дзеячаў без партрэтаў
Катэгорыя·Пахаваныя ў Рагачоўскім раёне
Катэгорыя·Кавалеры ордэна Чырвонага Сцяга
Катэгорыя·Памерлі ў 1944 годзе
Катэгорыя·Вікіпедыя·Ізаляваныя артыкулы/сірата0
Катэгорыя·Вікіпедыя·Артыкулы пра асоб, для якіх не існуюць старонкі віду «Імя Прозвішча»
Катэгорыя·Афіцэры СССР
Катэгорыя·Кавалеры ордэна Леніна
Катэгорыя·Вікіпедыя·Артыкулы пра асоб, для якіх не існуюць старонкі віду «І. Іпб. Прозвішча»
Катэгорыя·Камандзіры батальёнаў у Вялікай Айчыннай вайне
Катэгорыя·Нарадзіліся ў 1915 годзе
Катэгорыя·Нарадзіліся ў Хвалынскім павеце
Катэгорыя·Кавалеры ордэна Чырвонай Зоркі
Катэгорыя·Героі Савецкага Саюза