ФК Кобрын
«Кобрын» — былы беларускі футбольны клуб з горада Кобрын, заснаваны ў 1992 годзе.
Гісторыя
Клуб быў заснаваны ў Брэсце ў 1992 пад назвай «Брэстбытхім». Каманда далучылася да Трэцяй лігі і адразу выйграла яе. «Брэстбытхім» далей выступаў у Другой лізе да 1995, калі з-за фінансавых праблем спыніў існаванне. Тым не менш, каманда перадыслакавалася ў Кобрын і захавала месца ў Другой лізе.
Пасля сезону 1996 каманда знялася з рэспубліканскіх турніраў і выступала пераважна ў першынстве вобласці. Некалькі разоў «Кобрын» выйграваў чэмпіянат Брэсцкай вобласці. У 1998—1999 і 2006 клуб выступаў у Другой лізе (Д3), але вяртаўся на абласны ўзровень.
У 2011 і 2012 гадах «Кобрын» станавіўся чэмпіёнам Брэсцкай вобласці.
З 2013 каманда зноў гуляе ў Другой лізе. Сезон 2013 каманда скончыла ў сярэдзіне турнірнай табліцы. Пасля няўпэўненага старту ў сезоне 2014 каманда здолела ўзняцца на чацвёрты радок у групе Б і выйсці ў фінальны этап, дзе таксама выступала добра і ў выніку атрымала пятае месца.
У студзені 2015 года «Кобрын» набыў прафесійны статус, што дазваляла разлічваць на месца ў Першай лізе[1] (вакантнае пасля адмовы «Мінска-2» ад удзелу ў сезоне 2015). 3 красавіка 2015 года клуб артымаў ліцэнзію на ўдзел у Першай лізе 2015[2]. У сезоне 2015 за «Кобрын» выступалі пераважна маладыя брэсцкія футбалісты з мясцовага «Дынама», каманда ўвесь час ішла ўнізе табліцы, аднак выніковае 15-е месца дазволіла захаваць месца ў Першай лізе.
У лютым 2016 года стала вядома, што «Кобрын» з-за фінансавых праблем можа не заявіцца ў Першую лігу[3]. У выніку, клуб не прайшоў ліцэнзаванне для ўдзелу ў Першай лізе[4], а пазней адмовіўся і ад выступлення ў Другой лізе[5] і спыніў існаванне.
Эмблемы
- Гісторыя эмблем «Кобрына»
да 2014 года
першая палова 2015 года
з чэрвеня 2015 года
.jpg)
.jpg)
Папярэднія назвы
- 1992—1995: «Брэстбытхім» (Брэст)
- з 1996: «Кобрын»
Дасягненні
- Пераможца Другой лігі (да 1998 — Трэцяя ліга): 1992/93
Статыстыка выступленняў
Чэмпіянат і Кубак Беларусі
| Сезон | Ліга | М | Г | В | Н | П | Галы | Ачкі | Кубак | Заўвагі |
|---|---|---|---|---|---|---|---|---|---|---|
| 1992–93 | Трэцяя (Д3) | 1 | 30 | 22 | 6 | 2 | 83–16 | 50 | 1/16 фіналу |  Выхад у Другую лігу |
| 1993–94 | Другая (Д2) | 5 | 28 | 12 | 10 | 6 | 29–17 | 34 | ||
| 1994–95 | Другая (Д2) | 7 | 30 | 13 | 6 | 11 | 41–31 | 32 | 1/16 фіналу | |
| 1995 | Другая (Д2) | 6 | 14 | 8 | 1 | 5 | 19–14 | 25 | 1/16 фіналу | |
| 1996 | Другая (Д2) | 12 | 24 | 7 | 3 | 14 | 22–36 | 24 | Чвэрцьфінал | |
| 1998 | Другая — Б (Д3) | 5 | 30 | 15 | 7 | 8 | 53–44 | 52 | ||
| 1999 | Другая — Б (Д3) | 9 | 22 | 7 | 2 | 13 | 39–58 | 23 | ||
| 2006 | Другая (Д3) | 14 | 32 | 7 | 3 | 22 | 31–90 | 24 | 1/32 фіналу | |
| 2013 | Другая (Д3) | 7 | 24 | 11 | 2 | 11 | 41–42 | 35 | 1/32 фіналу | |
| 2014 | Другая — Б (Д3) | 4 | 22 | 13 | 1 | 8 | 46–40 | 40 | 1/64 фіналу | Выхад у фінальны этап |
| Фінальны этап | 5 | 141 | 4 | 3 | 7 | 18–32 | 15 | Атрыманне месца ў Першай лізе | ||
| 2015 | Першая (Д2) | 15 | 30 | 4 | 3 | 23 | 23–77 | 15 | 1/16 фіналу | Не прайшоў ліцэнзаванне на сезон 2016 |
- 1 Улічваючы 6 гульняў, перанесеных з 1-га раўнда. Паказчыкі ўласна ў фінальным этапе: 8 матчаў, 4—2—2, розніца мячоў 12—11.
Галоўныя трэнеры
- Сяргей Высоцкі (да 2013)
- Георгій Бровін (2014)
- Сяргей Козак (2015)
Зноскі
- ↑ “Кобрин” готов принять участие в первой лиге
- ↑ «Днепру», «Речице 2014» и «Смолевичам-СТИ» было отказано в получении лицензии на сезон 2015 года
- ↑ «Кобрин» может не выступить в первой лиге
- ↑ В первой лиге сыграют 14 команд
- ↑ Официально. Во второй лиге сыграют 14 команд
Спасылкі
- Профіль на сайце weltfussballarchiv.com(англ.)
- Профіль на сайце wildstat.ru(руск.)
- Профіль на сайце teams.by (руск.)
Катэгорыя·ФК Кобрын
Катэгорыя·Вікіпедыя·Артыкулы з пераазначэннем значэння з Вікідадзеных
Катэгорыя·Футбольныя клубы паводле алфавіта
Катэгорыя·Футбольныя клубы, заснаваныя ў 1992 годзе
Катэгорыя·Былыя футбольныя клубы Беларусі