У Вікіпедыі ёсць артыкулы пра іншых асоб з прозвішчам Клімовіч.
Уладзімір Уладзіміравіч Клімовіч (нар. 17 студзеня 1957, Мінск) — беларускі ўрач-хірург. Доктар медыцынскіх навук (2001), дацэнт (2006), прафесар (2011).
Скончыў Мінскі дзяржаўны медыцынскі інстытут (спецыяльнасць «Лячэбная справа», 1980).
Працаваў у Цэнтральнай раённай бальніцы г. Рэчыца Гомельскай вобласці (1981—1985, урач-хірург), Мінскай гарадской клінічнай бальніцы хуткай медыцынскай дапамогі (1987—2001, у 1996—2001 — загадчык аперацыйнага аддзялення), Беларускай медыцынскай акадэміі паслядыпломнай адукацыі (2001—2009, дацэнт кафедры хірургіі), Беларускім дзяржаўным універсітэце (гуманітарны факультэт, кафедра экалогіі чалавека, прафесар).
Навуковыя інтарэсы: актуальныя праблемы неадкладнай хірургіі (гастраінтэстынальныя крывацёкі, панкрэаталогія, біліярная хірургія, неадкладная дапамога пры медыцыне катастроф).