У Вікіпедыі ёсць артыкулы пра іншых асоб з прозвішчам Алоўнікаў. Уладзі́мір Уладзі́міравіч Ало́ўнікаў (16 студзеня 1919, Бабруйск — 1996, Мінск) — беларускі кампазітар. Заслужаны дзеяч мастацтваў Беларусі (1957). Народны артыст Беларусі (1970). Прафесар (1980).
Скончыў Беларускую дзяржаўную кансерваторыю па класу кампазіцыі прафесара В. Залатарова ў 1941 годзе. Удзельнік Вялікай Айчыннай вайны. З 1947 г. выкладчык, з 1966 г. дацэнт, з 1962 г. рэктар Беларускай кансерваторыі.
У. Алоўнікаў — аўтар кантаты і араторыі, сімфанічных паэм, харавой і камерна-інструментальнай музыкі. Асаблівае месца ў яго творчасці займаюць песні, якія прынеслі кампазітару шырокую вядомасць. Пачатковы матыў адной з іх — «Радзіма, мая дарагая» — стаў пазыўнымі Беларускага радыё.
Для сімфанічнага аркестра
Для аркестра беларускіх народных інструментаў
Бацька беларускага музыканта Ігара Алоўнікава (нар. 1954)