У Вікіпедыі ёсць артыкулы пра іншых асоб з прозвішчам Ізох.
Уладзімір Васілевіч Ізох (1 жніўня 1934, в. Прудзішча, Лагойскі раён, Мінская вобласць — 23 жніўня 1981) — беларускі радыёфізік. Доктар тэхнічных навук (1972), прафесар (1973).
Скончыў Беларускі дзяржаўны ўніверсітэт (фізічны факультэт, 1958; аспірантура, 1961).
Працаваў у Беларускім дзяржаўным універсітэце (фізічны факультэт, кафедра радыёфізікі і электронікі ЗВЧ, у 1965—1981 — загадчык кафедры, адначасова з 1974 — Навукова-даследчы інстытут прыкладных фізічных праблем імя А. Н. Сеўчанкі).
Навуковыя інтарэсы: імпульсная тэхніка; ядзерная электроніка; аналіз і сінтэз інфармацыйна-вымяральных сістэм.