Уладзімір Іванавіч Перадня́[1] (нар. 3 сакавіка 1933) — вучоны ў галіне механізацыі сельскагаспадарчай вытворчасці, доктар тэхнічных навук (1986), прафесар (1989).
Нарадзіўся на былым хутары Загаране (Докшыцкі раён, Віцебская вобласць). У 1957 годзе скончыў Беларускі тэхналагічны інстытут і пачаў працу ў Беларускім навукова-даследчым інстытуце механізацыі і электыфікацыі сельскай гаспадаркі Акадэміі навук БССР (сучасны Навукова-практычны цэнтр Нацыянальнай акадэміі навук Беларусі па механізацыі сельскай гаспадаркі). У 1972 годзе абараніў кандыдацкую дысертацыю, у 1984 годзе — доктарскую на тэму «Механизация приготовления полноценных кормосмесей на поточных линиях для эффективного использования кормов на скотоводческих фермах»[2]. У 1976—2001 гг. У. І. Перадня на пасадзе загадчыка лабараторыяй механізацыі працэсаў вытворчасці малака і ялавічыны[2], потым — галоўны навуковы супрацоўнік.
Навуковы працы па тэарэтычных асновах і механізацыі тэхналагічных працэсаў прыгатавання і раздачы кармоў, даення кароў. Аўтар больш за 420 публікацый, у тым ліку манаграфіі і вучэбныя дапаможнікі[2]. Пад кіраўніцтва У. І. Перадні падрыхтавана 5 кандыдацкіх і 1 доктарская дысертацыі[2]. Уладальнік шэрагу патэнтаў і аўтарскіх пасведчанняў на вынаходніцтвы[2][3].
З’яўляецца навуковым кіраўніком навукова-тэхнічнай праграмы Саюзнай Дзяржавы «Разработка инновационных энергосберегающих технологий и оборудования для производства и эффективного использования биобезопасных комбикормов для ценных пород рыб, пушных зверей и отдельных видов животных» («Комбикорм-СГ»)[2].