wd wp Пошук: ⬜

Уладзімір Іванавіч Жбанаў

У Вікіпедыі ёсць артыкулы пра іншых асоб з прозвішчам Жбанаў.

Уладзімір Іванавіч Жбанаў (26 студзеня 1954, Мінск — 16 студзеня 2012, Мінск) — беларускі скульптар.

Біяграфія

Нарадзіўся 26 студзеня 1954 года ў Мінску ў сям’і вайскоўца.

У 1973 годзе скончыў Мінскае мастацкае вучылішча імя Глебава. У 1979 г. скончыў Беларускі дзяржаўны тэатральна-мастацкі інстытут (аддзяленне скульптуры мастацкага факультэта).

Служыў у Афганістане. Пасля войска тры гады вучыўся ў творчых майстэрнях Акадэміі мастацтваў СССР. У 1985—1999 гады — выкладчык вышэйшай катэгорыі ў Мінскім мастацкім вучылішчы імя Глебава.

З 1993 года член Беларускага саюза мастакоў.

Працы

Устаноўленыя ў Мінску

«Таня» (1981) — Нацыянальны мастацкі музей Рэспублікі Беларусь
«Вера Харужая» (1982) — Нацыянальны мастацкі музей Рэспублікі Беларусь
Герб Рэспублікі Беларусь (1996) — будынак Нацыянальнага банка Рэспублікі Беларусь
«Незнаёмка» (1998) — Міхайлаўскі сквер
«Курыльшчык» (1999) — Міхайлаўскі сквер
«Дзяўчынка з парасонам» (2000) — Міхайлаўскі сквер
«Дама з сабачкам» (2001) — Камароўскі рынак
«Фатограф» (2001) — Камароўскі рынак
«Экіпаж» (2004) — ля ратушы
«Гусар» (2004) — Музей гісторыі горада Мінска (выстава аднаго творы ва ўнутраным двары)
«Дойлід» (2006) — плошча Незалежнасці, Мінск

Устаноўленыя ў іншых гарадах

«Дама з сабачкам», копія — Магілёў, на прыступках Драматычнага тэатра
«Паручнік Ржэўскі» — Паўлаград, Украіна
Скульптура-фантан «Залаты трохліснік» (2011) — Маладзечна (на галоўнай плошчы), устаноўлены да «Дажынак—2011»)
«Вястун» (2011) — Маладзечна (на плошчы Старое Места).

Спасылкі