Узго́рск[2] (трансліт.: Uzhorsk, руск.: Узгорск) — вёска ў Слаўгарадскім раёне Магілёўскай вобласці. Уваходзіць у склад Лапаціцкага сельсавета.
Назва адлюстроўвае гарысты (узгоркавы) рэльеф каля ракі Расты, на крутым правым беразе якой размешчана вёска[3].
Паводле сведчання мясцовых старажылаў, вёска ўзнікла пасьля адмены прыгону (1861). Адначасова вядома, што яшчэ ў 1783 годзе ў вёсцы было 5 двароў, 19 жыхароў[3].
У вёсцы Узгорск жылі прадзед і прабабуля Алы Пугачовай (Павел і Марыя), у якіх было 7 дзяцей. Марыя (у акрузе была вядомай лекаркай і варажбіткай) дажыла амаль да 90 гадоў (памерла на хаду), пахаваная ў вёсцы Нядашава (Магілёўская вобласць), Павел памёр ва ўзросце каля 40 гадоў (пахаваны ў вёсцы Узгорск).