Тэхнічна-гуманітарная акадэмія ў Бельска-Бяла (польск.: Akademia Techniczno-Humanistyczna w Bielsku-Białej) — польская дзяржаўная вышэйшая навучальная ўстанова, якая знаходзіцца ў горадзе Бельска-Бяла.
Паўстала 1 кастрычніка 2001 года шляхам рэарганізацыі існуючага з 1969 года філіяла Лодзьскага політэхнічнага ўніверсітэта. Навучае 7282 студэнтаў па тэхнічных і гуманітарных спецыяльнасцях.
Вучэльня мае поўныя акадэмічныя правы вышэйшай навучальнай установы: з 1989 года мае права на прысваенне звання доктара, а з 1999 года - доктара хабілітаванага ў дысцыпліне будаўніцтва і эксплуатацыя машын, таксама можа выступаць з унёскамі аб прысваенні вучонага звання прафесара.
У адпаведнасці з рэйтынгам універсітэтаў свету, які паказвае прысутнасць акадэмічных устаноў у Інтэрнэце, вучэльня ў Бельска-Бяла займае 21 месца ў Польшчы сярод тэхнічных ВНУ, а ў свеце - 3772 сярод усіх тыпаў ВНУ.